Eygló Harðardóttir dregur framboð sitt til baka

Eygló Harðardóttir hefur dregið framboð sitt til baka en hún hafði sóst eftir varaformannssæti ef Sigmundur Davíð myndi ekki vera kjörinn formaður.

Eygló sagði að ástæðan fyrir því að hún drægi framboð sitt til baka væri að hún vildi stuðla að sameiningu flokksins. Þá lýsti hún stuðningi við Lilju Dögg Alfreðsdóttur sem er sem er í framboði til varaformanns.

Í ræðu sinni lýsti Eygló yfir að sér þætti eðlilegt að fólk fyndi til reiði og vonbrigða vegna sundrungarinnar sem ríkt hefur í flokknum undanfarnar vikur. Hún teldi mikilvægt að flokkurinn myndi leita sátta og sameinast.

Hróp og frammíköll heyrðust úr salnum meðan Eygló flutti ræðu sína.