Dekkjaþjófur varð undir bílnum og lést

Það var ekki fögur aðkoman á bílasölu einni í Ohio í Bandaríkjunum um daginn en undir einum bílnum sem þar var til sölu lá maður sem greinilega hafði verið að stela dekkjum hans. Ekki vildi betur til en að tjakkur sá sem hann notaði við að nappa dekkjunum féll um koll og við það kramdist þjófurinn undir bílnum, en hann var jeppi af þyngri gerðinni.

Þjófurinn hafði verið látinn í nokkurn tíma er hann loks fannst. Starfsmenn bílasölunnar sáu að þjófurinn, sem var 43 ára karlmaður, var búinn að fjarlægja eitt af dekkjum bílsins og hafði verið í óða önn að losa annað dekk þegar bíllinn hrundi á hann. Þetta óheppilega dauðsfall ætti að vera öðrum í sömu hugleiðingum lærdómur um rétt vinnubrögð.