Austurríska landsliðið: Skrekkur á stóra sviðinu Tómas Þór Þórðarson skrifar 22. júní 2016 07:00 David Alaba á æfingu með austurríska landsliðinu í París í gær. Vísir/EPA Austurríki, næsti mótherji Íslands í riðlakeppni EM 2016, er lið sem ýmsir sparkspekingar spáðu mjög góðu gengi á mótinu. Gælt var við að liðið gæti komið allra mest á óvart og jafnvel unnið sér sæti í undanúrslitunum. En það hefur ekki verið líklegt til þess. Austurríki var eitt allra besta liðið í undankeppninni. Það var í nokkuð erfiðum riðli með Svíþjóð, Svartfjallalandi og Rússlandi en gjörsamlega straujaði riðilinn með níu sigra, eitt jafntefli og ekkert tap. Austurríki skoraði 22 mörk og fékk aðeins á sig fimm. Það spilaði leiftrandi fótbolta nánast upp á leik og gerði til dæmis lítið úr Svíum á Vinavöllum í Stokkhólmi, 4-1, þar sem liðin virtust ekki vera að iðka sömu íþróttina. Austurríkismenn hafa verið að byggja upp fótboltann í heimalandinu og eru með gott lið. Það er nokkuð jafnt, duglegt, með mikla hlaupagetu, vel þjálfað en svo með algjöra ása uppi í erminni eins og David Alaba, Marko Arnautovic og Mark Janko, samherja Birkis Bjarnasonar hjá Basel. Í Frakklandi hefur liðið aftur á móti ekki litið vel út. Það var búið að skora í 22 fótboltaleikjum í röð áður en það kom á EM þar sem það er enn í leit að fyrsta markinu. Eftir glæsilega undankeppni virðist svo sannarlega vera skrekkur í Austurríkismönnum á stóra sviðinu. Stórmótasaga Austurríkis undanfarna áratugi er ekki glæsileg. Þetta er lið sem náði þriðja sæti á HM í Sviss 1954 og komst fjórum sinnum á HM frá 1978-1998. Síðan þá hefur Austurríki aðeins komist á eitt stórmót en það var EM 2008 þar sem það var sem gestgjafi og gerði ekki góða hluti. Austurríki á sinn góða leik inni líkt og Ísland en það er bara vonandi að hann láti áfram bíða eftir sér.David Alaba er frábær leikmaður.Vísir/EPAUnga ofurstjarnan týnd David Alaba, 23 ára gamall leikmaður Bayern München, er ekki bara besti leikmaður Austurríkis heldur sá langbesti. Þrátt fyrir að vera ekki eldri hefur hann verið kjörinn knattspyrnumaður Austurríkis fimm ár í röð. Hann er og verður aðalmaðurinn í þessu liði um ókomin ár. Alaba er frábær leikmaður sem er hægt og hljótt að verða einn allra besti spilari álfunnar. Það fer ekki jafn mikið fyrir honum og öðrum þar sem hann spilar 3-4 stöður hjá Bayern og gerir sína hluti án þess að vera með einhver læti. Hann er frábær sendingamaður og einnig geggjaður skotmaður þó hann sé reyndar mikið í því að smella boltanum í tréverkið. Sendingarnar hafa reyndar reynst honum erfiðar á mótinu sem er í takt við hvað austurríska liðið er að spila illa. Alaba hefur aðeins klárað 52 af 73 sendingum á mótinu eða 71 prósent. Það var búist við miklu af Alaba á EM en hann átti að keyra Austurríki langt á þessu móti. Þessi unga ofurstjarna virðist alveg týnd og er bara vonandi að hún finnist ekki fyrr en eftir leik Íslands og Austurríkis á Stade de France.Marcel Koller er þjálfari austurríska landsliðsins.Vísir/EPARainer Bortenschlager, blaðamaður á Kronen ZeitungByrjunarliðið hjá Austurríki er ráðgáta Rétt eins og íslensku þjálfararnir hafa gert hefur Marcel Koller stólað á nokkurn veginn sama byrjunarliðið og náð góðum árangri með það. En nú er hann í miklum vandræðum með að tefla fram sínu sterkasta liði á EM. Meiðsli hafa haft mikil áhrif og þær breytingar sem hann hefur þurft að gera hafa gengið illa upp. David Alaba spilar sem vinstri bakvörður hjá Bayern München og er vanalega djúpur á miðjunni hjá Austurríki. En eftir meiðsli Zlatko Junuzović hefur Alaba verið notaður sem tía og hann var slakur í því hlutverki gegn Portúgal. Við eigum heldur engan almennilegan framherja því að Marc Janko er meiddur. Það er með öllu óvíst hvort hann geti spilað leikinn í dag. Við teljum það þó líklegt enda er ljóst að gegn liði eins og Íslandi þurfum við öflugan mann í teignum. Íslenska vörnin hefur verið afar öflug á mótinu og Austurríki þarf að skora mark í þessum leik til að eiga möguleika á að komast áfram í 16-liða úrslitin. Þar fyrir utan er það mikil ráðgáta hvaða leikkerfi Marcel Koller ætlar að nota. Hvort hann ætli að setja meiri kraft í sóknarleikinn en áður, af fyrrnefndri ástæðu. Allt þetta leiðir til þess að byrjunarliðið er mikil ráðgáta og munu leikmenn ekki fá að vita það sjálfir fyrr en rétt fyrir leik. Margir Austurríkismenn óttuðust að þetta væri allt saman búið eftir tapið fyrir Ungverjalandi. En við vorum stálheppnir að ná jafntefli við Portúgal og eigum því enn möguleika í kvöld. Enda mun lið Austurríkis leggja allt í sölurnar í kvöld.Vísir/EPASögumoli Ísland og Austurríki hafa ekki mæst í leik í keppni í tæp 27 ár eða síðan að þau mættust tvisvar með tveggja mánaða millibili haustið 1989. Fyrri leikurinn endaði með markalausu jafntefli í Laugardalnum þar sem Ísland átti að vinna en Austurríki vann seinni leikinn 2-1 og komst að lokum á HM 1990.Liðsfélagar keppast um að gera gott tímabil enn þá betra Liðsfélagarnir Birkir Bjarnason og Marc Janko mætast í dag með landsliðum sínum á Evrópumótinu í Frakklandi í gríðarlega mikilvægum leik á Stade de France en þeir gerðu góða hluti saman á nýloknu tímabili. Svissneska félagið fékk Birki frá Pescara á Ítalíu og Janko frá Sydney FC í Ástralíu og þeir áttu báðir mjög gott fyrsta tímabil með liðinu. Basel varð svissneskur meistari, Janko skoraði 16 mörk í deildinni og Birkir var með 10 mörk og 5 stoðsendingar. Þeir voru tveir af þremur markahæstu leikmönnum sem voru á sínu fyrsta tímabili í Sviss. Janko var í byrjunarliðinu í fyrsta leik en kom ekkert við í sögu í þeim síðasta vegna meiðsla. Birkir hefur aftur á móti spilað allar 180 mínútur íslenska liðsins og skoraði fyrsta mark Íslands á mótinu. EM 2016 í Frakklandi Fótbolti Íslenski boltinn Mest lesið Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Bein útsending: Bakgarðshlaupið í Heiðmörk Sport „Hún reif í mig og hraunaði yfir mig, á Marilegan hátt“ Sport UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Bað börnin sín afsökunar á dánarbeðinu Fótbolti Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Fleiri fréttir Bað börnin sín afsökunar á dánarbeðinu UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Sjá meira
Austurríki, næsti mótherji Íslands í riðlakeppni EM 2016, er lið sem ýmsir sparkspekingar spáðu mjög góðu gengi á mótinu. Gælt var við að liðið gæti komið allra mest á óvart og jafnvel unnið sér sæti í undanúrslitunum. En það hefur ekki verið líklegt til þess. Austurríki var eitt allra besta liðið í undankeppninni. Það var í nokkuð erfiðum riðli með Svíþjóð, Svartfjallalandi og Rússlandi en gjörsamlega straujaði riðilinn með níu sigra, eitt jafntefli og ekkert tap. Austurríki skoraði 22 mörk og fékk aðeins á sig fimm. Það spilaði leiftrandi fótbolta nánast upp á leik og gerði til dæmis lítið úr Svíum á Vinavöllum í Stokkhólmi, 4-1, þar sem liðin virtust ekki vera að iðka sömu íþróttina. Austurríkismenn hafa verið að byggja upp fótboltann í heimalandinu og eru með gott lið. Það er nokkuð jafnt, duglegt, með mikla hlaupagetu, vel þjálfað en svo með algjöra ása uppi í erminni eins og David Alaba, Marko Arnautovic og Mark Janko, samherja Birkis Bjarnasonar hjá Basel. Í Frakklandi hefur liðið aftur á móti ekki litið vel út. Það var búið að skora í 22 fótboltaleikjum í röð áður en það kom á EM þar sem það er enn í leit að fyrsta markinu. Eftir glæsilega undankeppni virðist svo sannarlega vera skrekkur í Austurríkismönnum á stóra sviðinu. Stórmótasaga Austurríkis undanfarna áratugi er ekki glæsileg. Þetta er lið sem náði þriðja sæti á HM í Sviss 1954 og komst fjórum sinnum á HM frá 1978-1998. Síðan þá hefur Austurríki aðeins komist á eitt stórmót en það var EM 2008 þar sem það var sem gestgjafi og gerði ekki góða hluti. Austurríki á sinn góða leik inni líkt og Ísland en það er bara vonandi að hann láti áfram bíða eftir sér.David Alaba er frábær leikmaður.Vísir/EPAUnga ofurstjarnan týnd David Alaba, 23 ára gamall leikmaður Bayern München, er ekki bara besti leikmaður Austurríkis heldur sá langbesti. Þrátt fyrir að vera ekki eldri hefur hann verið kjörinn knattspyrnumaður Austurríkis fimm ár í röð. Hann er og verður aðalmaðurinn í þessu liði um ókomin ár. Alaba er frábær leikmaður sem er hægt og hljótt að verða einn allra besti spilari álfunnar. Það fer ekki jafn mikið fyrir honum og öðrum þar sem hann spilar 3-4 stöður hjá Bayern og gerir sína hluti án þess að vera með einhver læti. Hann er frábær sendingamaður og einnig geggjaður skotmaður þó hann sé reyndar mikið í því að smella boltanum í tréverkið. Sendingarnar hafa reyndar reynst honum erfiðar á mótinu sem er í takt við hvað austurríska liðið er að spila illa. Alaba hefur aðeins klárað 52 af 73 sendingum á mótinu eða 71 prósent. Það var búist við miklu af Alaba á EM en hann átti að keyra Austurríki langt á þessu móti. Þessi unga ofurstjarna virðist alveg týnd og er bara vonandi að hún finnist ekki fyrr en eftir leik Íslands og Austurríkis á Stade de France.Marcel Koller er þjálfari austurríska landsliðsins.Vísir/EPARainer Bortenschlager, blaðamaður á Kronen ZeitungByrjunarliðið hjá Austurríki er ráðgáta Rétt eins og íslensku þjálfararnir hafa gert hefur Marcel Koller stólað á nokkurn veginn sama byrjunarliðið og náð góðum árangri með það. En nú er hann í miklum vandræðum með að tefla fram sínu sterkasta liði á EM. Meiðsli hafa haft mikil áhrif og þær breytingar sem hann hefur þurft að gera hafa gengið illa upp. David Alaba spilar sem vinstri bakvörður hjá Bayern München og er vanalega djúpur á miðjunni hjá Austurríki. En eftir meiðsli Zlatko Junuzović hefur Alaba verið notaður sem tía og hann var slakur í því hlutverki gegn Portúgal. Við eigum heldur engan almennilegan framherja því að Marc Janko er meiddur. Það er með öllu óvíst hvort hann geti spilað leikinn í dag. Við teljum það þó líklegt enda er ljóst að gegn liði eins og Íslandi þurfum við öflugan mann í teignum. Íslenska vörnin hefur verið afar öflug á mótinu og Austurríki þarf að skora mark í þessum leik til að eiga möguleika á að komast áfram í 16-liða úrslitin. Þar fyrir utan er það mikil ráðgáta hvaða leikkerfi Marcel Koller ætlar að nota. Hvort hann ætli að setja meiri kraft í sóknarleikinn en áður, af fyrrnefndri ástæðu. Allt þetta leiðir til þess að byrjunarliðið er mikil ráðgáta og munu leikmenn ekki fá að vita það sjálfir fyrr en rétt fyrir leik. Margir Austurríkismenn óttuðust að þetta væri allt saman búið eftir tapið fyrir Ungverjalandi. En við vorum stálheppnir að ná jafntefli við Portúgal og eigum því enn möguleika í kvöld. Enda mun lið Austurríkis leggja allt í sölurnar í kvöld.Vísir/EPASögumoli Ísland og Austurríki hafa ekki mæst í leik í keppni í tæp 27 ár eða síðan að þau mættust tvisvar með tveggja mánaða millibili haustið 1989. Fyrri leikurinn endaði með markalausu jafntefli í Laugardalnum þar sem Ísland átti að vinna en Austurríki vann seinni leikinn 2-1 og komst að lokum á HM 1990.Liðsfélagar keppast um að gera gott tímabil enn þá betra Liðsfélagarnir Birkir Bjarnason og Marc Janko mætast í dag með landsliðum sínum á Evrópumótinu í Frakklandi í gríðarlega mikilvægum leik á Stade de France en þeir gerðu góða hluti saman á nýloknu tímabili. Svissneska félagið fékk Birki frá Pescara á Ítalíu og Janko frá Sydney FC í Ástralíu og þeir áttu báðir mjög gott fyrsta tímabil með liðinu. Basel varð svissneskur meistari, Janko skoraði 16 mörk í deildinni og Birkir var með 10 mörk og 5 stoðsendingar. Þeir voru tveir af þremur markahæstu leikmönnum sem voru á sínu fyrsta tímabili í Sviss. Janko var í byrjunarliðinu í fyrsta leik en kom ekkert við í sögu í þeim síðasta vegna meiðsla. Birkir hefur aftur á móti spilað allar 180 mínútur íslenska liðsins og skoraði fyrsta mark Íslands á mótinu.
EM 2016 í Frakklandi Fótbolti Íslenski boltinn Mest lesið Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Bein útsending: Bakgarðshlaupið í Heiðmörk Sport „Hún reif í mig og hraunaði yfir mig, á Marilegan hátt“ Sport UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Bað börnin sín afsökunar á dánarbeðinu Fótbolti Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Fleiri fréttir Bað börnin sín afsökunar á dánarbeðinu UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Sjá meira