Næsta brekka reynst of brött fyrir Lars Lagerbäck Tómas Þór Þórðarson skrifar 25. júní 2016 07:00 Lars Lagerbäck sést hér hugsi á blaðamannafundi Íslands í gær. Hann fær nú tækifæri til að komast lengra en nokkru sinni fyrr á sínum þjálfaraferli. Vísir/Vilhelm Lars Lagerbäck hefur þrisvar í sex tilraunum komið liði upp úr riðli á Evrópumóti eða í heimsmeistarakeppni en hann hefur aldrei farið í gegnum fyrsta leik í útsláttarkeppni. Hann reynir nú í fjórða sinn. Tveir dagar eru þar til íslenska landsliðið í fótbolta mætir því enska í 16 liða úrslitum á EM 2016. Strákarnir okkar eru aðeins þriðja liðið í sögunni sem tapar ekki leik í riðlakeppni EM í frumraun sinni og í verðlaun fékk liðið og íslenska þjóðin leik gegn stjörnunum úr ensku úrvalsdeildinni. Þetta verður fyrsti mótsleikur liðanna í sögunni. Lars Lagerbäck, annar landsliðsþjálfara Íslands, er töluvert reyndari á stórmótum en allir aðrir í íslenska hópnum. Hann er á sínu sjöunda stórmóti en áður fór hann fimm sinnum á stórmót með Svíþjóð (HM 2002 og 2006 og EM 2002, 2004 og 2008) og með Nígeríu á HM 2010. Í helming skiptanna sem hann fór á stórmót áður tókst Svíanum að koma sínu liði upp úr riðli. Það gerði hann á þremur stórmótum í röð með Svíþjóð frá 2002-2006, tvisvar á HM og einu sinni á EM. Hann kom Svíþjóð einu sinni upp úr riðli í þremur tilraunum á EM og er nú ásamt Heimi Hallgrímssyni búinn að koma Íslandi áfram í fyrstu tilraun.Tvö grátleg töp Árangur Lars Lagerbäck í útsláttarkeppni er ekki góður. Hann tapaði öllum þremur leikjunum með Svíþjóð í útsláttarkeppni og tveimur þeirra afar grátlega. Á HM 2002 var Svíþjóð í gríðarlega sterkum riðli með Englandi, Argentínu og Nígeríu en gerði sér lítið fyrir og vann riðilinn. Sænska liðið var firnasterkt á þessum tíma en féll úr leik á gullmarki gegn spútnikliði Senegal, 2-1, í framlengdum leik í 16 liða úrslitum. Fjórum árum síðar á HM tapaði Svíþjóð nokkuð sannfærandi gegn gestgjöfum Þýskalands, 2-0. Þar á milli kom Lars sænska liðinu í átta liða úrslit EM (16 liða mót) en tapaði fyrir Hollandi í vítaspyrnukeppni sem fór í bráðabana. Olof Mellberg reyndist skúrkurinn þar þegar hann brenndi af sjöttu spyrnu Svíþjóðar en Arjen Robben, sem var þarna að skjótast upp á stjörnuhimininn, skoraði úr síðustu spyrnu Hollendinga. Þrátt fyrir þennan árangur er Lars Lagerbäck alltaf bjartsýnn og telur íslenska liðið eiga möguleika á sigri þó að brekkan sem hann hefur ekki enn komist yfir sé líklega brattari núna en nokkru sinni áður. „Ég tel okkur alltaf eiga möguleika,“ sagði Lars sem státar af frábærum árangri gegn enska landsliðinu. Hann hefur sex sinnum spilað við það á sínum ferli, alltaf með Svíþjóð, og aldrei tapað. Þar af er um að ræða sex mótsleiki. „Ég hef alltaf trú á að við getum unnið,“ sagði Lars í gær, en hvers vegna þessi góði árangur gegn Englandi? „Það er gott að spila við England því það þekkja allir í Svíþjóð líkt og á Íslandi enska boltann. Allir leikmennirnir mínir þekkja þá ensku, hvernig þeir eru og hvernig þeir spila. Í Svíþjóð byggðum við að hluta til á hugmyndafræði Roy Hodgson og Bob Hougton þannig að við þekktum enska boltann og hans hugmyndafræði. Þetta hjálpar allt til,“ sagði Lars.Lars Lagerbäck.Vísir/VilhelmGeta ekki verið guðir í öllu Sænski blaðamaðurinn Robert Laul hjá Aftonbladet í Svíþjóð hefur fylgt íslenska liðinu hvert fótmál á Evrópumótinu. Hann fylgdist með sænska liðinu allan tímann sem Lagerbäck var þar við stjórnvölinn. Þeir voru vissulega engir vinir þá en hafa verið kumpánlegir hvor við annan í Frakkland. Laul ber mikla virðingu fyrir samlanda sínum og hans afrekum en hefur sínar útskýringar á því hvers vegna lið Lagerbäcks fara aldrei í gegnum fyrstu umferð útsláttarkeppninnar. „Menn geta ekki verið guðir og snillingar í öllu. Lars er sérfræðingur í því að komast í lokakeppnir og koma liðum upp úr riðli á stórmótum en hann er ekki þjálfari sem vinnur leiki í útsláttarkeppni. Hann rígheldur í sína hugmyndafræði sem er ekki fullkomin ef þú ætlar að vinna leiki í útsláttarkeppni því hún er ansi varnarsinnuð. Hann kemur liðum á stórmót og upp úr riðli en meira er það ekki. Það er alls ekkert slæmt en þetta er eitthvað sem allir þurfa að sætta sig við,“ sagði Laul í samtali við Fréttablaðið. „Lagerbäck nær öllu út úr liðunum sem hann þjálfar eins og hann hefur gerst með Ísland. Það er samt ekki hægt að fá kökuna og borða hana líka. Ísland er ekki með hæfileikaríkasta liðið frekar en Svíþjóð var með. Hann kreistir allt sem hægt er út úr liðinu en hann getur ekki komist lengra en þetta. Það eru leikmenn íslenska liðsins sem þurfa að bæta leik sinn ætli þeir að komast í gegnum England. Lagerbäck getur ekki töfrað þá áfram.“Endar gegn Englandi Eins og fleiri hefur Laul heillast af íslenska liðinu en hann er klár á því að það fari ekki lengra í mótinu. „Íslenska liðið hefur ekki andlegan styrk í að endurhlaða batteríin og gera betur en það hefur gert. Það sem liðið hefur afrekað hefur kostað mikla orku og það hefur hvorki andlegan né líkamlegan styrk til að keyra sig upp aftur. Þetta endar gegn Englandi sem er synd því það hefur verið æðislegt að fylgjast með þessu ævintýri,“ sagði Robert Laul.Lars Lagerbäck með sænska landsliðinu á EM 2008.Vísir/GettyÁrangur Lars Lagerbäck í útsláttarkeppnum á stórmótum:Svíþjóð á EM 2000: Komst ekki áfram, neðsta sæti í riðlinumSvíþjóð á HM 2002: Tap fyrir Senegal, 2-1, á gullmarki í framlengdum leik í 16 liða úrslitumSvíþjóð á EM 2004: Tap fyrir Hollandi í vítaspyrnukeppni í 8 liða úrslitumSvíþjóð á HM 2006: Tap fyrir gestgjöfum Þýskalands, 2-0, í 16 liða úrslitumSvíþjóð EM 2008: Þriðja sæti í riðlinum og komst ekki áframNígería á HM 2010: Komst ekki áfram, neðsta sæti í riðlinumLars Lagerbäck sem þjálfari Svía á EM.Vísir/EPA EM 2016 í Frakklandi Fótbolti Íslenski boltinn Tengdar fréttir Lars: „Ég er kominn heim“ hitti mig beint í hjartastað Íslenski landsliðsþjálfarinn talaði fallega um eitt helsta lag stuðningsmanna íslenska landsliðsins. 23. júní 2016 12:04 Lars: Sérstakara að vera með Íslandi á stórmóti Landsliðsþjálfarinn er á sjöunda stórmótinu með þriðja liðinu en þessi upplifun er sú besta hjá Svíanum. 24. júní 2016 09:21 Lagerbäck: Eiður kom með sterk skilaboð á liðsfundi Það hafa allir í íslenska landsliðshópnum tröllatrú á því að Ísland geti lagt England að velli í 16-liða úrslitum EM á mánudag. 24. júní 2016 19:30 Lagerbäck: Öfunda ekki Portúgal Landsliðsþjálfarinn var hæstánægður með frammistöðu sinna manna gegn Austurríki í gær. 23. júní 2016 14:15 Lars vísaði til Einstein og Emmi horfir á smáhund elta nashyrning "Ég beiti engum brögðum en á fundum finnum við stundum kvót í nálgun okkar hvað varðar hugarfar,“ segir Lars Lagerbäck. 24. júní 2016 09:22 Skora á Lars að halda áfram með landsliðið Íslendingar virðast ekki tilbúnir að kveðja Lars Lagerbäck. 24. júní 2016 08:30 Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Iðrast gjörða sinna: „Var klárlega rangt af mér“ Íslenski boltinn Ferguson saknar fótboltans Enski boltinn Veðmál systkina til lykta leitt: „Veit að ég mun aldrei tapa fyrir honum“ Sport Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Dagskráin í dag: Íslendingaslagur af bestu gerð Sport Sjö mörk Jóhönnu hjálpuðu til við að landa fyrsta sigrinum Handbolti Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira
Lars Lagerbäck hefur þrisvar í sex tilraunum komið liði upp úr riðli á Evrópumóti eða í heimsmeistarakeppni en hann hefur aldrei farið í gegnum fyrsta leik í útsláttarkeppni. Hann reynir nú í fjórða sinn. Tveir dagar eru þar til íslenska landsliðið í fótbolta mætir því enska í 16 liða úrslitum á EM 2016. Strákarnir okkar eru aðeins þriðja liðið í sögunni sem tapar ekki leik í riðlakeppni EM í frumraun sinni og í verðlaun fékk liðið og íslenska þjóðin leik gegn stjörnunum úr ensku úrvalsdeildinni. Þetta verður fyrsti mótsleikur liðanna í sögunni. Lars Lagerbäck, annar landsliðsþjálfara Íslands, er töluvert reyndari á stórmótum en allir aðrir í íslenska hópnum. Hann er á sínu sjöunda stórmóti en áður fór hann fimm sinnum á stórmót með Svíþjóð (HM 2002 og 2006 og EM 2002, 2004 og 2008) og með Nígeríu á HM 2010. Í helming skiptanna sem hann fór á stórmót áður tókst Svíanum að koma sínu liði upp úr riðli. Það gerði hann á þremur stórmótum í röð með Svíþjóð frá 2002-2006, tvisvar á HM og einu sinni á EM. Hann kom Svíþjóð einu sinni upp úr riðli í þremur tilraunum á EM og er nú ásamt Heimi Hallgrímssyni búinn að koma Íslandi áfram í fyrstu tilraun.Tvö grátleg töp Árangur Lars Lagerbäck í útsláttarkeppni er ekki góður. Hann tapaði öllum þremur leikjunum með Svíþjóð í útsláttarkeppni og tveimur þeirra afar grátlega. Á HM 2002 var Svíþjóð í gríðarlega sterkum riðli með Englandi, Argentínu og Nígeríu en gerði sér lítið fyrir og vann riðilinn. Sænska liðið var firnasterkt á þessum tíma en féll úr leik á gullmarki gegn spútnikliði Senegal, 2-1, í framlengdum leik í 16 liða úrslitum. Fjórum árum síðar á HM tapaði Svíþjóð nokkuð sannfærandi gegn gestgjöfum Þýskalands, 2-0. Þar á milli kom Lars sænska liðinu í átta liða úrslit EM (16 liða mót) en tapaði fyrir Hollandi í vítaspyrnukeppni sem fór í bráðabana. Olof Mellberg reyndist skúrkurinn þar þegar hann brenndi af sjöttu spyrnu Svíþjóðar en Arjen Robben, sem var þarna að skjótast upp á stjörnuhimininn, skoraði úr síðustu spyrnu Hollendinga. Þrátt fyrir þennan árangur er Lars Lagerbäck alltaf bjartsýnn og telur íslenska liðið eiga möguleika á sigri þó að brekkan sem hann hefur ekki enn komist yfir sé líklega brattari núna en nokkru sinni áður. „Ég tel okkur alltaf eiga möguleika,“ sagði Lars sem státar af frábærum árangri gegn enska landsliðinu. Hann hefur sex sinnum spilað við það á sínum ferli, alltaf með Svíþjóð, og aldrei tapað. Þar af er um að ræða sex mótsleiki. „Ég hef alltaf trú á að við getum unnið,“ sagði Lars í gær, en hvers vegna þessi góði árangur gegn Englandi? „Það er gott að spila við England því það þekkja allir í Svíþjóð líkt og á Íslandi enska boltann. Allir leikmennirnir mínir þekkja þá ensku, hvernig þeir eru og hvernig þeir spila. Í Svíþjóð byggðum við að hluta til á hugmyndafræði Roy Hodgson og Bob Hougton þannig að við þekktum enska boltann og hans hugmyndafræði. Þetta hjálpar allt til,“ sagði Lars.Lars Lagerbäck.Vísir/VilhelmGeta ekki verið guðir í öllu Sænski blaðamaðurinn Robert Laul hjá Aftonbladet í Svíþjóð hefur fylgt íslenska liðinu hvert fótmál á Evrópumótinu. Hann fylgdist með sænska liðinu allan tímann sem Lagerbäck var þar við stjórnvölinn. Þeir voru vissulega engir vinir þá en hafa verið kumpánlegir hvor við annan í Frakkland. Laul ber mikla virðingu fyrir samlanda sínum og hans afrekum en hefur sínar útskýringar á því hvers vegna lið Lagerbäcks fara aldrei í gegnum fyrstu umferð útsláttarkeppninnar. „Menn geta ekki verið guðir og snillingar í öllu. Lars er sérfræðingur í því að komast í lokakeppnir og koma liðum upp úr riðli á stórmótum en hann er ekki þjálfari sem vinnur leiki í útsláttarkeppni. Hann rígheldur í sína hugmyndafræði sem er ekki fullkomin ef þú ætlar að vinna leiki í útsláttarkeppni því hún er ansi varnarsinnuð. Hann kemur liðum á stórmót og upp úr riðli en meira er það ekki. Það er alls ekkert slæmt en þetta er eitthvað sem allir þurfa að sætta sig við,“ sagði Laul í samtali við Fréttablaðið. „Lagerbäck nær öllu út úr liðunum sem hann þjálfar eins og hann hefur gerst með Ísland. Það er samt ekki hægt að fá kökuna og borða hana líka. Ísland er ekki með hæfileikaríkasta liðið frekar en Svíþjóð var með. Hann kreistir allt sem hægt er út úr liðinu en hann getur ekki komist lengra en þetta. Það eru leikmenn íslenska liðsins sem þurfa að bæta leik sinn ætli þeir að komast í gegnum England. Lagerbäck getur ekki töfrað þá áfram.“Endar gegn Englandi Eins og fleiri hefur Laul heillast af íslenska liðinu en hann er klár á því að það fari ekki lengra í mótinu. „Íslenska liðið hefur ekki andlegan styrk í að endurhlaða batteríin og gera betur en það hefur gert. Það sem liðið hefur afrekað hefur kostað mikla orku og það hefur hvorki andlegan né líkamlegan styrk til að keyra sig upp aftur. Þetta endar gegn Englandi sem er synd því það hefur verið æðislegt að fylgjast með þessu ævintýri,“ sagði Robert Laul.Lars Lagerbäck með sænska landsliðinu á EM 2008.Vísir/GettyÁrangur Lars Lagerbäck í útsláttarkeppnum á stórmótum:Svíþjóð á EM 2000: Komst ekki áfram, neðsta sæti í riðlinumSvíþjóð á HM 2002: Tap fyrir Senegal, 2-1, á gullmarki í framlengdum leik í 16 liða úrslitumSvíþjóð á EM 2004: Tap fyrir Hollandi í vítaspyrnukeppni í 8 liða úrslitumSvíþjóð á HM 2006: Tap fyrir gestgjöfum Þýskalands, 2-0, í 16 liða úrslitumSvíþjóð EM 2008: Þriðja sæti í riðlinum og komst ekki áframNígería á HM 2010: Komst ekki áfram, neðsta sæti í riðlinumLars Lagerbäck sem þjálfari Svía á EM.Vísir/EPA
EM 2016 í Frakklandi Fótbolti Íslenski boltinn Tengdar fréttir Lars: „Ég er kominn heim“ hitti mig beint í hjartastað Íslenski landsliðsþjálfarinn talaði fallega um eitt helsta lag stuðningsmanna íslenska landsliðsins. 23. júní 2016 12:04 Lars: Sérstakara að vera með Íslandi á stórmóti Landsliðsþjálfarinn er á sjöunda stórmótinu með þriðja liðinu en þessi upplifun er sú besta hjá Svíanum. 24. júní 2016 09:21 Lagerbäck: Eiður kom með sterk skilaboð á liðsfundi Það hafa allir í íslenska landsliðshópnum tröllatrú á því að Ísland geti lagt England að velli í 16-liða úrslitum EM á mánudag. 24. júní 2016 19:30 Lagerbäck: Öfunda ekki Portúgal Landsliðsþjálfarinn var hæstánægður með frammistöðu sinna manna gegn Austurríki í gær. 23. júní 2016 14:15 Lars vísaði til Einstein og Emmi horfir á smáhund elta nashyrning "Ég beiti engum brögðum en á fundum finnum við stundum kvót í nálgun okkar hvað varðar hugarfar,“ segir Lars Lagerbäck. 24. júní 2016 09:22 Skora á Lars að halda áfram með landsliðið Íslendingar virðast ekki tilbúnir að kveðja Lars Lagerbäck. 24. júní 2016 08:30 Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Iðrast gjörða sinna: „Var klárlega rangt af mér“ Íslenski boltinn Ferguson saknar fótboltans Enski boltinn Veðmál systkina til lykta leitt: „Veit að ég mun aldrei tapa fyrir honum“ Sport Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Dagskráin í dag: Íslendingaslagur af bestu gerð Sport Sjö mörk Jóhönnu hjálpuðu til við að landa fyrsta sigrinum Handbolti Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira
Lars: „Ég er kominn heim“ hitti mig beint í hjartastað Íslenski landsliðsþjálfarinn talaði fallega um eitt helsta lag stuðningsmanna íslenska landsliðsins. 23. júní 2016 12:04
Lars: Sérstakara að vera með Íslandi á stórmóti Landsliðsþjálfarinn er á sjöunda stórmótinu með þriðja liðinu en þessi upplifun er sú besta hjá Svíanum. 24. júní 2016 09:21
Lagerbäck: Eiður kom með sterk skilaboð á liðsfundi Það hafa allir í íslenska landsliðshópnum tröllatrú á því að Ísland geti lagt England að velli í 16-liða úrslitum EM á mánudag. 24. júní 2016 19:30
Lagerbäck: Öfunda ekki Portúgal Landsliðsþjálfarinn var hæstánægður með frammistöðu sinna manna gegn Austurríki í gær. 23. júní 2016 14:15
Lars vísaði til Einstein og Emmi horfir á smáhund elta nashyrning "Ég beiti engum brögðum en á fundum finnum við stundum kvót í nálgun okkar hvað varðar hugarfar,“ segir Lars Lagerbäck. 24. júní 2016 09:22
Skora á Lars að halda áfram með landsliðið Íslendingar virðast ekki tilbúnir að kveðja Lars Lagerbäck. 24. júní 2016 08:30