Nani: Við vorum betri en ein fyrirgjöf kom okkur á óvart

Maður leiksins að mati UEFA, Portúgalinn Nani, gat ekki leynt vonbrigðum sínum eftir 1-1 jafnteflið gegn Íslandi í kvöld.

Nani skoraði mark Portúgals sem varð að sætta sig við 1-1 jafntefli við Ísland í fyrsta leik sínum á EM í Frakklandi.

„Við vorum betri en þetta var erfiður andstæðingur. Við vissum að þeir myndu valda okkur vandamálum. En það var ein fyrirgjöf sem kom okkur á óvart,“ sagði Nani á blaðamannafundinum eftir leik.

„Vandamálið var varnarleikurinn í markinu. Þeir fengu eitt færi og skoruðu. Við reyndum að skora aftur en gáum það ekki, þrátt fyrir að hafa fengið mörg færi til þess. En svona er fótboltinn.“

„En ég man eftir því að við höfum áður byrjað illa á stórmóti en samt náð að standa okkur vel. Við spiluðum vel í kvöld.“