Unnu EM leiki Kia og fara til Frakklands

Lára Guðmundsdóttir og Kristinn Wium duttu heldur betur í lukkupottinn í EM leikjum Kia hjá Bílaumboðinu Öskju. Þau unnu glæsilegar ferðir fyrir tvo á EM í Frakklandi sem hefst 10. Júní en Kia er einn aðalstyrktarðili EM í knattspyrnu.

Lára vann glæsilega 4ra daga ferð til Parísar á opnunarhátíð og opnunarleik EM. Allir Kia eigendur gátu tekið þátt í leiknum með því að skrá bílnúmerið á vefsíðu Kia. Innifalið í ferðinni er flug, gisting, skoðunarferðir í Versali, Eifel turninn og Notre-Dame. Vínsmökkun og makkarónugerð, morgunmatur, hádegismatur og glæsilegir kvöldverðir. Og síðast en ekki síst VIP miðar á opnunarhátíð og opnunarleik EM 2016.

Í ferðinni verða 60 þátttakendur frá 30 löndum sem allir eru Kia eigendur. Kristinn vann reynsluakstursleikinn en allir sem reynsluóku Kia í apríl og maí hjá Bílaumboðinu Öskju eða söluumboðum um allt land urðu sjálfkrafa þátttakendur í þessum leik.

Kristinn fær ferð fyrir tvo á leik Íslands gegn Austurríki sem fram fer í París 22. júní. Innifalið í ferðinni er flug, gisting og miðar á leikinn. Þau Lára og Kristinn voru að vonum hæstánægð með vinningana og sögðust hlakka til spennandi ferðalags til Frakklands þar sem íslenska landsliðið verður í eldlínunni ásamt 23 öðrum bestu landsliðum Evrópu.