Juventus ítalskur bikarmeistari annað árið í röð

Juventus varð ítalskur bikarmeistari annað árið í röð eftir 1-0 sigur á AC Milan í úrslitum í dag en Juventus varð ítalska fyrsta liðið til að vinna bæði deild og bikar tvö ár í röð.

Juventus lauk tímabilinu í deildinni af miklum krafti og komst alla leiðina í úrslit bikarsins með því að leggja Torino, Lazio og Inter af velli.

Það var markalaust að loknum venjulegum leiktíma og þurfti því að framlengja í Róm í kvöld.

Í framlengingunni kom Álvaro Morata inn af bekknum hjá Juventus fyrir Hernanes og tók það hann aðeins tvær mínútur að skora eina mark leiksins.

Var þetta ellefti bikarmeistaratitillinn í sögu félagsins og er Juventus með gott forskot á næstu lið sem eru Roma með níu bikarmeistaratitla og Inter með sjö.