Nýr Porsche Macan GTS frumsýndur hjá Bílabúð Benna

Á morgun, laugardag verður nýr Porsche Macan GTS frumsýndur hjá Bílabúð Benna. Um er að ræða Gran Turismo Sport útgáfu af hinum geysivinsæla sportjeppa frá Porsche.

Allt frá því að Macan var frumsýndur á Íslandi hefur hann notið mikillar velgengi og vinsælda og segir Thomas Már Gregers, sölustjóri Porsche á Íslandi, Macan hafa verið hina fullkomnu viðbót við sterka vörulínu Porsche.

Hin nýja GTS útgáfa af Porsche Macan er magnað sport og skilar 360 hestöflum, 500 Nm togi og er aðeins 5,0 sekúndur í hundraðið. Í fréttatilkynningu frá Bílabúð Benna kemur fram að Porsche Macan GTS verði frumsýndur, í Porsche - salnum, Vagnhöfða 23, laugardaginn 7. maí, frá kl. 12:00 til 16:00. Allir velkomnir.