Grand Prix verðlaunahafinn Renault Megane kynntur hjá BL

Renault Megane hefur aldrei verið jafn glæsilegur og nú enda hlaut aðalhönnuður Renault, Laurens van den Acher, hin eftirsóttu FAI Design Grand Prix verðlaun frá samtökum bílaframleiðenda fyrir hönnunina. Nýi bíllinn verður kynntur hjá BL næsta laugardag milli kl. 12 og 16.

Flest mál eru breytt frá fyrri gerðum, farþega- og farangrursrými eru stærri og aksturseiginleikarnir betri. Renault Megane er fyrsti bíllinn í sínum flokki sem fáanlegur er með 8,7“ spjaldtölvu í mælaborði. Þá eru allir nýir Renault Megane hjá BL með íslensku leiðsögukerfi sem tengist R-Link upplýsingabúnaði Renault sem er að hluta til raddstýrt.

Þá eru ýmsir fídusar í boði með Megane, t.d. mismunandi litir á innilýsingu, allt eftir stemningunni hverju sinni, og skjár sem opnast upp úr mælaborðinu til að varpa upp upplýsingum um aksturinn svo ekki þurfi að líta af veginum við aksturinn.

Nýr Renault Megane er fáanlegur í þremur útfærslum; Expression, BOSE og GT. Gera má ráð fyrir að Expression verði vinsælasta útgáfan enda með miklum staðalbúnaði. Í 205 hestafla GT útgáfu Megane er fjórhjólastýring sem er sú fyrsta sinnar tegundar í þessum stærðarflokki.