Glæsileg yfirhalning hjá Veiðivon

Verslunin Veiðivon er ein af þeim rótgrónu veiðiverslunum sem hafa þjónustað veiðimenn í áraraðir.

Í gær var veiðimönnum og velunnurum verslunarinnar boðið í teiti þar sem fagnað var glæsilegum breytingum í versluninni.  Stöðugur straumur lá í búðina seinni partinn í gær til að fagna þessu með eigendum verslunarinnar.  Aukin áhersla hefur verið lögð í úrval af veiðifatnaði og eins hefur fluguborðið verið stækkað mikið eins og sjá má á meðfylgjandi mynd.  Núna er tíminn þar sem flestir eru að gera sig klára fyrir sumarið og það má þess vegna reikna með að það verði fjölmennt í Veiðivon í dag.  Við óskum Veiðivon til hamingju með glæsilegar breytingar.