Sigmundi líst „mjög vel“ á að verða óbreyttur þingmaður

Sigmundi Davíð Gunnlaugssyni, fráfarandi forsætisráðherra, líst mjög vel á að verða óbreyttur þingmaður. Sigmundur er mættur til fundar með Framsóknarmönnum í Alþingishúsinu ásamt Sigurði Inga Jóhannssyni.

Bjarni Benediktsson, Ólöf Nordal, Kristján Þór Júlíusson, Ragnheiður Elín Árnadóttir eru einnig mætt í þinghúsið. Reiknað er með því að niðurstaða flokkanna verði tilkynnt að fundi loknum en ráðherrarnir tjáðu sig ekkert um málið.

Að neðan má sjá myndband af því þegar ráðherrarnir mættu í þinghúsið.

Sigmundur var spurður hvernig honum litist á að verða óbreyttur þingmaður.

„Mér líst mjög vel á það,“ sagði Sigmundur og hélt á fundinn.

Bein útsending á Stöð 2