Vorsýning Citroën á laugardag

Vorsýning Citroën verður haldin í sýningarsal Citroën hjá Brimborg að Bíldshöfða 8 laugardaginn 9. apríl milli kl. 12 og 16. Ráðgjafar verða í sérstöku samningsstuði og ýmis vortilboð í gangi. Citroën bílar eru þekktir fyrir hagnýta hönnun, sparneytni og lágan rekstrarkostnað.  Þar að auki eru þeir sérstaklega glæsilegir og nýstárlegir.

Gott úrval véla er í boði sem allar sameina frábæra frammistöðu, lága eyðslu og litla koltvísýringslosun. Þess má geta að Citroën PureTech bensínvélin hefur hlotið eftirsótta titilinn Vél ársins (International Engine of the Year).

Spennandi leikur hefst á laugardaginn – 200.000 kr. gjafabréf í vinning!

Kaktusar eru harðgerðir, lifa á nánast engu og verja sig á snjallan hátt. Það sama má segja um hinn umtalaða Citroën C4 Cactus. Á laugardaginn hefst Vertu Cactus! leikurinn þar sem þátttakendur eiga kost á að vinna gjafabréf frá Icelandair að verðmæti 200.000 kr.

Til að taka þátt þurfa þátttakendur að taka mynd af sér með Citroën C4 Cactus, merkja myndina #VertuCactus og pósta á Facebook, Instagram eða Twitter. Vinningshafi verður dreginn út 6. maí.