868 metinnkallanir bíla í fyrra

Í fyrra var sett met í innköllunum bílaframleiðenda vegna galla í bílum þeirra. Með því var met frá árinu þar áður slegið og segja má að allt árið í fyrra hafi markast af tíðum innköllunum sem voru næstum 2,4 á dag alla daga ársins.

Alls voru innkallaðir 51,2 milljón bílar og stærstu innkallanirnar voru vegna gallaðra Takata öryggispúða og gallaðs ræsingabúnaðs í bílum General Motors. Í Bandaríkjunum hefur National Highway Traffic Safety Adminitration (NHTSA) hvatt bíleigendur þarlendis að hunsa ekki innkallanir bíla þeirra og að það geti reynst þeim dýrt.

Svo virðist sem margir þeirra láti innkallanirnar sem vind um eyru þjóta og komi aldrei með bíla sín til viðgerða galla þeirra. Nefnir NHTSA í herferð sinni nú grátlegt dæmi um slíkt þar sem eigandi bíls með gallaðan Takata öryggispúða hafi ekki komið með bíl sinn í viðgerð árið 2010 þrátt fyrir að vera áminntum um það, en hann dó er öryggispúði í bílnum sprakk í fyrra.