Guðmundur Guðmundsson segir að riðillinn sem Danmörk fékk í forkeppni Ólympíuleikanna í Ríó sé afar sterkur en Danir verða í riðli með Króatíu, Noregi og Barein. Tvö lið úr riðlinum fara á leikana í sumar. Í dag kom endanlega í ljós hvernig skipan riðlanna þriggja í undankeppninni verður.
„Þetta er erfiður riðill sem við fengum. Við sáum Noreg og Króatíu spila um bronsið á EM í dag og þetta eru tvö mjög góð lið,“ sagði Guðmundur í viðtali sem birtist á heimasíðu danska handknattleikssambandsins í dag.
Danir hafa sótt um að fá að halda riðilinn í Danmörku en keppt verður í honum í apríl. „Það væri mikill kostur að fá að spila á heimavelli. Riðillinn er það erfiður að það hefði mikið að segja að fá að spila í Danmörku.“
Danmörk endað í sjötta sæti á EM í Póllandi eftir að hafa tapað fyrir Frakklandi í lokaleik sínum.
Hér fyrir neðan má sjá hvernig riðlarnir eru skipaðir:
1. riðill: Pólland, Makedónía, Síle og Túnis.
2. riðill: Spánn, Slóvenía, Íran og Svíþjóð.
3. riðill: Danmörk, Króatía, Noregur og Barein.
Tólf lið keppa á leikunum í sumar. Þau sex lið sem eru örugg áfram eru Brasilía (gestgjafi), Frakkland (heimsmeistari), Argentína (Ameríkumeistari), Katar (Asíumeistari), Þýskaland (Evrópumeistari) og Egyptaland (Afríkumeistari).
Guðmundur fær erfiðan riðil í forkeppni ÓL

Tengdar fréttir

Einkunnagjöf Ekstra Bladet á EM: Guðmundur á pari við Hansen, Landin og Toft
Annað stórmótið í röð mistókst Guðmundi Guðmundssyni að koma danska landsliðinu í undanúrslit á stórmóti en Danir spila um fimmta sætið á EM í Póllandi.

Patrekur og Guðmundur mætast í umspilinu
Austurríki fékk afar sterkan andstæðing í forkeppni HM 2017 í handbolta.

Guðmundur: Vil meira drápseðli í danska landsliðið
Landsliðsþjálfari Dana gerði upp mótið eftir að hafa tapað síðasta leiknum á EM í handbolta í kvöld.

Innistæðan búin hjá Guðmundi sem þarf að fara ef Danir komast ekki á ÓL
Guðmundur Guðmundsson fær að heyra að frá handboltasérfræðingi í Danmörku.