HM er eins og bikarkeppni Eiríkur Stefán Ásgeirsson skrifar 30. janúar 2015 08:00 Guðmundur Guðmundsson, þjálfari danska liðsins, í leiknum á móti Spáni í fyrrakvöld þar sem danska landsliðið þurfti að sætta sig við eins marks tap. Fréttablaðið/Eva Björk Danska þjóðin er í sárum eftir að handboltalandslið Dana tapaði fyrir Spánverjum í 8-liða úrslitum HM í handbolta hér í Katar. Guðmundur Guðmundsson fékk sinn fyrsta stóra skell sem landsliðsþjálfari Dana og hann sagði í samtali við Fréttablaðið í gær að hann hafi verið þungur. „Þetta reynir á og sýnir hversu grimmar íþróttirnar geta verið,“ segir Guðmundur. Spánn vann umræddan leik á sigurmarki Joan Canellas á lokasekúndu leiksins. Guðmundur var eins og aðrir í danska liðinu steinrunninn á hliðarlínunni og trúði vart eigin augum. Draumurinn um heimsmeistaratitilinn var farinn á augabragði. „Sigurinn gat fallið hvoru megin sem var. Þetta var bara þannig leikur,“ segir Guðmundur enn fremur.Úr leik þrátt fyrir eitt tap Í síðustu heimsmeistarakeppni, þar sem Spánverjar urðu heimsmeistarar á heimavelli, var nýtt fyrirkomulag tekið upp. Milliriðlar voru felldir út og í staðinn tóku 16-liða úrslit við af hefðbundinni ríðlakeppni. Guðmundur er gagnrýninn á þetta nýja fyrirkomulag. „HM er í raun orðið eins og bikarkeppni. Það þykir mér afar sérstakt,“ segir Guðmundur. Danir höfnuðu í öðru sæti síns riðils - unnu Pólland, Rússland og Sádí Arabíu en gerðu jafntefli við Argentínu og Þjóðverja. Það var sérstaklega jafnteflið gegn Argentínu í fyrsta leik sem sat í Dönum en Guðmundur segir að úrslit þess leiks engu máli skipta í dag. „Ef við hefðum unnið þann leik en hefðu Þjóðverjar alltaf getað lagað markatöluna sína eins og þeir þurftu því þeir áttu Sádí-Arabíu í síðasta leik,“ segir þjálfarinn. „Við spiluðum hörkuleiki í riðlinum, unnum svo Ísland í 16-liða úrslitum og svo kom þetta tap. Og við erum úr leik þrátt fyrir að hafa tapað bara einum leik alla keppnina.“ Áður en núverandi fyrirkomulag var tekið upp var haldin milliriðlakeppni í stað 16- og 8-liða úrslita. Efstu tvö liðin úr hvorum millriðli fóru svo áfram í undanúrslit og hugnast Guðmundi það mun betur. „Við erum á HM til að finna besta leið heims. Með útsláttarkeppni geta óvæntir hlutir gerst og mér þætti þá eðlilegra að spila milliriðla. Þannig hafa liðin svigrúm til að gera ein mistök og nánast pottþétt að fjögur bestu liðin fari í undanúrslit,“ segir hann. „Nú er getur þetta ráðist á tilviljun - hver hittir á það á síðustu sekúndunum eða ekki.“Kvarta ekki undan blaðamönnum Guðmundur segir að hann hafi lært margt á þeim tíma sem hann hefur verið í starfinu, þó svo að hann hafi verið skammur. „Ég hef ekki fengið marga daga með liðinu. Ég er að gera ákveðnar breytingar á bæði sókn og vörn liðsins og leikmenn eru að kynnast nýjum þjálfara. Það tekur tíma,“ segir Guðmundur. Þá er gríðarlega mikil umfjöllun um danska liðið og blaðamannafundir þess fjölsetnir. „Það er hluti af mínu starfi að sinna fjölmiðlum og ég kvarta ekki undan því. Ég er glaður með hversu mikinn áhuga liðið fær. Það er gott fyrir danskan handbolta og þess vegna sinni ég glaður þessum hluta starfsins.“ Ulrik Wilbek náði frábærum árangri með danska liðið og var vitað að það hefði verið erfitt fyrir hvern sem er að ætla að feta í hans fótspor. „Ég vissi það vel en ég setti allt slíkt bara til hliðar. Það sem máli skiptir er að ég hef horft upp á mitt lið standa sig vel og spila góðan handbolta. Það er margt jákvætt við leik liðsins og hvernig hann hefur þróast. Ég hef aðeins fundið fyrir miklum stuðningi leikmanna og allra innan danska handboltasambandsins.“ HM 2015 í Katar Mest lesið Segir að eitrað hafi verið fyrir leikmönnum liðsins Fótbolti Má ekki koma inn í íþróttahús í tíu mánuði Körfubolti Hulda Elma vann Hengil Ultra á brautarmeti Sport Snýr aftur til Íslands betri en nokkru sinni áður Körfubolti Taiwo Badmus staðfestur hjá Stólunum: „Ég er kominn heim“ Körfubolti „Vandræðalegt að fá krampa í bæði læri eftir sextíu mínútur“ Fótbolti Liverpool hækkar tilboð sitt Enski boltinn „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Gummi Ben fékk gullmerki Þórs afhent á Spáni Íslenski boltinn Fleiri fréttir Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Sjá meira
Danska þjóðin er í sárum eftir að handboltalandslið Dana tapaði fyrir Spánverjum í 8-liða úrslitum HM í handbolta hér í Katar. Guðmundur Guðmundsson fékk sinn fyrsta stóra skell sem landsliðsþjálfari Dana og hann sagði í samtali við Fréttablaðið í gær að hann hafi verið þungur. „Þetta reynir á og sýnir hversu grimmar íþróttirnar geta verið,“ segir Guðmundur. Spánn vann umræddan leik á sigurmarki Joan Canellas á lokasekúndu leiksins. Guðmundur var eins og aðrir í danska liðinu steinrunninn á hliðarlínunni og trúði vart eigin augum. Draumurinn um heimsmeistaratitilinn var farinn á augabragði. „Sigurinn gat fallið hvoru megin sem var. Þetta var bara þannig leikur,“ segir Guðmundur enn fremur.Úr leik þrátt fyrir eitt tap Í síðustu heimsmeistarakeppni, þar sem Spánverjar urðu heimsmeistarar á heimavelli, var nýtt fyrirkomulag tekið upp. Milliriðlar voru felldir út og í staðinn tóku 16-liða úrslit við af hefðbundinni ríðlakeppni. Guðmundur er gagnrýninn á þetta nýja fyrirkomulag. „HM er í raun orðið eins og bikarkeppni. Það þykir mér afar sérstakt,“ segir Guðmundur. Danir höfnuðu í öðru sæti síns riðils - unnu Pólland, Rússland og Sádí Arabíu en gerðu jafntefli við Argentínu og Þjóðverja. Það var sérstaklega jafnteflið gegn Argentínu í fyrsta leik sem sat í Dönum en Guðmundur segir að úrslit þess leiks engu máli skipta í dag. „Ef við hefðum unnið þann leik en hefðu Þjóðverjar alltaf getað lagað markatöluna sína eins og þeir þurftu því þeir áttu Sádí-Arabíu í síðasta leik,“ segir þjálfarinn. „Við spiluðum hörkuleiki í riðlinum, unnum svo Ísland í 16-liða úrslitum og svo kom þetta tap. Og við erum úr leik þrátt fyrir að hafa tapað bara einum leik alla keppnina.“ Áður en núverandi fyrirkomulag var tekið upp var haldin milliriðlakeppni í stað 16- og 8-liða úrslita. Efstu tvö liðin úr hvorum millriðli fóru svo áfram í undanúrslit og hugnast Guðmundi það mun betur. „Við erum á HM til að finna besta leið heims. Með útsláttarkeppni geta óvæntir hlutir gerst og mér þætti þá eðlilegra að spila milliriðla. Þannig hafa liðin svigrúm til að gera ein mistök og nánast pottþétt að fjögur bestu liðin fari í undanúrslit,“ segir hann. „Nú er getur þetta ráðist á tilviljun - hver hittir á það á síðustu sekúndunum eða ekki.“Kvarta ekki undan blaðamönnum Guðmundur segir að hann hafi lært margt á þeim tíma sem hann hefur verið í starfinu, þó svo að hann hafi verið skammur. „Ég hef ekki fengið marga daga með liðinu. Ég er að gera ákveðnar breytingar á bæði sókn og vörn liðsins og leikmenn eru að kynnast nýjum þjálfara. Það tekur tíma,“ segir Guðmundur. Þá er gríðarlega mikil umfjöllun um danska liðið og blaðamannafundir þess fjölsetnir. „Það er hluti af mínu starfi að sinna fjölmiðlum og ég kvarta ekki undan því. Ég er glaður með hversu mikinn áhuga liðið fær. Það er gott fyrir danskan handbolta og þess vegna sinni ég glaður þessum hluta starfsins.“ Ulrik Wilbek náði frábærum árangri með danska liðið og var vitað að það hefði verið erfitt fyrir hvern sem er að ætla að feta í hans fótspor. „Ég vissi það vel en ég setti allt slíkt bara til hliðar. Það sem máli skiptir er að ég hef horft upp á mitt lið standa sig vel og spila góðan handbolta. Það er margt jákvætt við leik liðsins og hvernig hann hefur þróast. Ég hef aðeins fundið fyrir miklum stuðningi leikmanna og allra innan danska handboltasambandsins.“
HM 2015 í Katar Mest lesið Segir að eitrað hafi verið fyrir leikmönnum liðsins Fótbolti Má ekki koma inn í íþróttahús í tíu mánuði Körfubolti Hulda Elma vann Hengil Ultra á brautarmeti Sport Snýr aftur til Íslands betri en nokkru sinni áður Körfubolti Taiwo Badmus staðfestur hjá Stólunum: „Ég er kominn heim“ Körfubolti „Vandræðalegt að fá krampa í bæði læri eftir sextíu mínútur“ Fótbolti Liverpool hækkar tilboð sitt Enski boltinn „Þakklátur fyrir að konan sé tilbúin að leyfa mér að upplifa þetta“ Körfubolti Anníe Mist kynnir bók sem tók fjögur ár að skrifa: Bæði stressuð og spennt Sport Gummi Ben fékk gullmerki Þórs afhent á Spáni Íslenski boltinn Fleiri fréttir Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Sjá meira