Lamela með þrennu þegar Tottenham tryggði sér sigur í riðlinum | Sjáið mörkin hans

Tottenham átti ekki í miklum vandræðum með að tryggja sér sigur í J-riðli Evrópudeildarinnar en liðið vann sannfærandi 4-1 heimasigur á franska liðinu Mónakó í kvöld.

Mónakó þurfti að vinna leikinn og treyst á það að Anderlecht tækist ekki að vinna sinn leik. Það gekk hvorugt eftir því að Anderlecht vann 2-1 sigur á Qarabagí hinum leik riðilsins.

Argentínumaðurinn Erik Lamela gerði út um leikinn með því að skora þrennu í fyrri hálfleiknum og eftir þá sýningu kappans var aldrei vafi um að heimamenn myndu vinna leikinn.

Stephan El Shaarawy minnkaði muninn eftir rúmlega klukkutíma leik en Tom Carroll innsiglaði sigur Tottenham á 77. mínútu.

Erik Lamela kemur Tottenham í 1-0 Erik Lamela kemur Tottenham í 2-0 Þrennan í húsi hjá Erik Lamela