Kári tapaði í Síle

Landsliðsmaðurinn í badminton, Kári Gunnarsson, er á ferð og flugi þessa dagana.

Í gærdag var hann að taka þátt á alþjóðlegu móti í Síle. Þar fann Kári sig ekki og tapaði í oddalotu gegn Slóvakanum Matej Hlinican.

Kári vann fyrstu lotuna, 21-19, en náði ekki að fylgja því eftir því Hlinican tók þá næstu, 16-21. Í oddalotunni var Slóvakinn líka sterkari og vann, 17-21, og komst því áfram.

Kári hefur verið duglegur að taka þátt í mótum í Suður-Ameríku á síðustu vikum og næst tekur hann þátt í alþjóðlega brasilíska mótinu þann 21. október.