Fyrsti sigur FH

FH vann sinn fyrsta sigur í Olís-deild kvenna í handbolta þegar liðið sótti HK heim í dag. Lokatölur 18-23, FH í vil.

Með sigrinum fór FH upp fyrir HK og ÍR og kom sér fyrir í 10. sæti deildarinnar.

Ingibjörg Pálmadóttir skoraði níu mörk fyrir FH en hún er markahæsti leikmaður liðsins á tímabilinu með 30 mörk í sex leikjum.

Þórhildur Braga Þórðardóttir skoraði mest fyrir HK, eða sex mörk.

Mörk HK:

Þórhildur Braga Þórðardóttir 6, Emma Sardarsdóttir 4, Sóley Ívarsdóttir 2, Eva Hrund Harðardóttir 2, Sigríður Hauksdóttir 2, Arna Þyrí Ólafsdóttir 1, Aníta Björk Bárðardóttir 1.

Mörk FH:

Ingibjörg Pálmadóttir 9, Elín Anna Baldursdóttir 3, Sigrún Jóhannsdóttir 3, Heiðdís Rún Guðmundsdóttir 3, Birna Íris Helgadóttir 2, Steinunn Snorradóttir 2, Hildur Marín Andrésdóttir 1.