Comma fagnar eins árs afmæli

KYNNING: "Comma á sér langa og merkilega sögu,“ segir Hilmar Þórarinn Hilmarsson, sem á og rekur verslunina ásamt eiginkonu sinni, Hjördísi Sif Bjarnadóttur. „Comma er þýskt fjölskyldufyrirtæki sem stofnað var árið 1973. Á þeim tíma var það háklassa merki á við Dolce Gabbana og Louis Vuitton. Þegar fjölskyldufaðirinn féll frá árið 2000 var Comma keypt af öðru fjölskyldufyrirtæki og endurskipulagt. Comma nær nú að brúa bilið á milli mainstream og hátísku á verði sem höfðar til allra,“ lýsir Hilmar.

Boð sem ekki var hægt að hafna

Hjördís hefur lifað og hrærst í fataverslunarbransanum frá unga aldri. Móðir hennar rak lengi Parísartískuna og sjálf er Hjördís klæðskeri. Þegar móðir hennar lést eftir veikindi tók hún alfarið við Parísartískunni. „Þá fengum við símtal að utan þar sem okkur var boðið að opna Comma verslun á Íslandi. Við vorum ekkert spennt fyrir að bæta við verslun á þessum tíma en þegar á okkur var þrýst ákváðum við að skoða málið. Við nánari athugun var þetta boð sem ekki var hægt að hafna. Við heilluðumst þegar við sáum klæðnaðinn, verðið og fallegar verslanir Comma,“ segir Hjördís.

Miklar vinsældir

Comma er afar þekkt í Þýskalandi en aðeins eru þrjú ár síðan slík verslun var opnuð utan landsteinanna. „Sem dæmi um vinsældir verslunarinnar hefur Comma, sem er fágaðri lína verslunarinnar, verið á toppnum yfir söluhæstu verslanir Þýskalands í ár og á topp tíu listanum í þrjú ár. Casual identity línan, sem er grófari lína Comma, hefur verið í sjöunda sæti,“ upplýsir Hilmar.

Tólf línur á ári

„Flest merki eru með fjórar árstíðabundnar línur en Comma er með nýja línu í hverjum mánuði,“ segir Hjördís og bætir glaðlega við að því séu þau sveitt að taka upp úr kössum í hverri viku. „Það sem heillaði mig sem klæðskera var að þó að þetta séu klassískar vörur þá er alltaf eitthvað spes, einhver skemmtileg smáatriði, við hverja vöru.“

Hágæða fatnaður á góðu verði

Þau hjónin leggja metnað í persónulega þjónustu og vilja helst geta dekrað sem mest við viðskiptavini sína. „Þeir sem gefa sér tíma geta fengið kaffi, sódavatn eða gos og á góðum stundum jafnvel léttvínsglas,“ segir Hilmar brosandi. Þrátt fyrir þetta er verðið á allra færi segja þau. „Við erum til dæmis með buxur á verðbilinu 7.900 til 19.490 krónur.“

Afmælisveisla

„Við höfum fengið alveg svakalega góðar viðtökur þetta fyrsta ár,“ segir Hilmar og nú er ætlunin að halda upp á áfangann. „Við munum halda upp á eins árs afmæli Comma í Smáralind í dag og á laugardaginn. Við munum bjóða upp á veitingar, plötusnúð og aðrar uppákomur. Þá verðum við líka með ýmsar afmælisvörur á tilboði,“ segir Hjördís og býður alla velkomna.