Sterk rök fyrir hækkun hámarkshraða í Bandaríkjunum

Umferðarsérfræðingur hjá University of Texas segir að mikil ástæða sé til þess að hækka hámarkshraða á þjóðvegum í Bandaríkjunum. Helstu ástæður þess telur hann vera þær að vegir séu það góðir, bílar það öruggir og ekki síst sú hætta sem skapast nú af afar misjöfnum ökuhraða, þar sem þeir löghlýðnu aka á hinum lága leyfða ökuhraða og þeirra sem gera sér grein fyrir á hvaða hraða skynsamlegt sé að aka.

Þessi misjafni hraði valdi mörgum framúrökstrum og það skapi mikla hættu. Því sé mun hættuminna að sem flestir ökumenn aki á þeim hraða sem vegirnir bjóða uppá, þá fljóti umferðin mun betur. Á þetta hefur verið margsinnis bent á undanförnum árum og mörg umferðarslys verði einmitt vegna þeirra leiðinda sem ökumenn upplifa með of lágum hámarkshraða og því sé athygli þeirra mjög ábótavant.

Umferðarsérfræðingurinn bendir á máli sínu til stuðnings að á vegi 130 í Texas, þar sem nýverið sé búið að hækka hámarkshraðann í 85 mílur, gangi umferð mjög vel og fá umferðarslys eigi sér þar stað. Þar aki um einn af hverjum sjö bílum hraðar en hámarkshraðinn og það sé gott viðmið um þann hámarkshraða sem ætti að setja. Ef svo sé ekki, eigi að hækka hámarkshraðann.