Valur er á góðri siglingu eftir sannfærandi 4-2 sigur á ÍA í Pepsi-deild karla um helgina.
Valur tapaði ekki leik allan júnímánuð og þjálfarinn Ólafur Jóhannesson fékk mikið lof í Pepsi-mörkunum á Stöð 2 Sport í gærkvöldi. Sóknarmenn Vals fóru margsinnis illa með Skagavörnina í leiknum eins og fjallað er um í innslaginu sem má sjá hér fyrir ofan.
„Vörn ÍA var flöt og þeim er vorkun því þeir fengu enga aðstoð frá miðjumönnunum sínum,“ sagði Arnar Gunnlaugsson.
„Marko Andelkovic er góður í fótbolta en djöfull var hann latur í leiknum. Hann var bara ekki „fitt“. Hann var búinn eftir korter,“ sagði Arnar og bætti við að 4-4-2 leikkerfið henti honum illa.
Hjörvar segir að skemmtilegustu leikir deildarinnar fari fram á Vodafone-vellinum á Hlíðarenda.
„Ef þú ætlar með kærustuna á stefnumót og fara á leik í Pepsi-deildinni, þá ferðu með hana á Hlíðarenda. Það er alltaf geggjuð skemmtun.“
Hjörvar: Með kærustuna á Hlíðarenda
Tengdar fréttir
Umfjöllun, viðtöl og einkunnir: Valur - ÍA 4-2 | Júní-Valsarar sannfærandi
Patrick Pedersen skoraði tvö mörk fyrir Val sem tapaði ekki leik í júnímánuði.
Haukur Páll um Andelkovic: Get tekið öllu frá mönnum en þetta var ógeðslegt
Fyrirliði Vals reiddist mikið út í Serbann í liði Skagamanna undir lok leiks og lét hann heyra það áfram eftir lokaflautið.
Uppbótartíminn: Hrækt á besta vin Gunnars Nelson | Myndbönd
Tíunda umferð Pepsi-deildar karla gerð upp í máli, myndum og myndböndum.
