Dicko áfram í Breiðholtinu

Hamid Dicko verður áfram í herbúðum körfuboltaliðs ÍR á næstu leiktíð, en samningur þess efnis var undirritaður í Breiðholtinu í gær.

Dicko skoraði 5,3 stig, tók 2,7 fráköst, gaf 1,8 stoðsendingar og stal 1,3 boltum að meðaltali með ÍR á síðustu leiktíð, en ÍR rétt slapp við fall.

„Stjórn körfuknattleiksdeildar ÍR er ánægð með að hafa tryggt sér krafta Hamids á næsta timabili," sagði Elvar í stuttu spjalli við Karfan.is.

„Hann kom sterkur inn í liðið á liðnu timabili, innan sem utan vallar og vonandi verður hann en öflugari á komandi timabili."