Stjarnan kvaddi Olís-deildina með sigri

Afturelding vann Val í Olís-deild karla í handbolta í dag, 23-25, en lokaumferðin fer fram í dag. Stjarnan vann Fram í hinum leiknum, 21-23, sem lokið er í dag. Þessi lið gátu ekki færst til um sæti fyrir umferðina.

Jafnræði var með liðunum á Hlíðarenda í fyrri hálfleik, en gestirnir úr Mosfellsbæ leiddu með tveimur mörkum í hálfleik, 11-13.

Bæði lið gáfu yngri mönnum tækifæri til þess að spreyta sig enda leikurinn einungis upp á stoltið. Afturelding herti tökin í síðari hálfleik og vann að lokum tveggja marka sigur, 25-23.

Jóhann Jóhannsson skoraði fimm mörk fyrir Aftureldingu, en hjá Valsmönnum voru þeir Alexander Örn Júlíusson og Sveinn Aron Sveinsson markahæstir með fimm.

Valur mætir Fram í úrslitakeppninni sem hefst á þriðjudag, en óvíst er hvaða liði Aftureldingu mætir. Það skýrist þegar umferðin klárast í kvöld.

Mótherjar Vals í úrslitakeppninni, Framarar, töpuðu fyrir föllnum Stjörnumönnum, 21-23. Stjörnumenn voru sterkari og náðu meðal annars 14-9 fyrir forystu rétt fyrir hálfleik.

Framarar voru þó ekki hættir og staðan var jöfn 17-17 þegar 40 mínútur voru búnar af leiknum. Stjarnan steig svo heldur betur á bensíngjöfina og vann að lokum 21-23.

Stjarnan er fallið niður um deild, en Fram mætir eins og fyrr segir Val í úrslitakeppninni.

Valur - Afturelding 23-25 (8-11)

Markaskorarar Vals: Alexander Örn Júlíusson 5, Sveinn Aron Sveinsson 5, Daníel Þór Ingason 4, Orri Freyr Gíslason 3, Ýmir Örn Gíslason 2, Geir Guðmundsson 2, Ómar Ingi Magnússon 1, Vignir Stefánsson 1.

Markaskorarar Aftureldingar: Jóhann Jóhannsson 5, Birkir Benediktsson 4, Elvar Ásgeirsson 4, Ágúst Birgisson 4, Gestur Ingvarsson 4, Gunnar Kristinn Þórsson 2, Árni Bragi Eyjólfsson 1, Böðvar Páll Ásgeirsson 1.

Fram - Stjarnan 21-23 (12-15)

Markaskorarar Fram: Sigurður Örn Þorsteinsson 4, Þorsteinn Gauti Hjálmarsson 3, Þröstur Bjarkason 2, Ari Arnaldsson 2, Aranr Freyr Arnarsson 2, Arnar Freyr Ársælsson 2, Þorri Björn Gunnarsson 1, Ragnar Þór Kjartansson 1.

Markaskorar Stjörnunnar: Egill Magnússon 9, Hilmar Pálsson 7, Ari Magnús Þorgeirsson 2, Starri Friðriksson 2, Hjálmtýr Alfreðsson 2, Eyþór Magnússon 1.