Matthías og Hugrún á leið til Bandaríkjanna

Matthías Orri Sigurðarson, körfuboltamaður úr ÍR, og Hugrún Elvarsdóttir, knattspyrnukona úr FH, eru á leið í nám til Bandaríkjanna.

Parið heldur utan í haust sem þýðir að Matthías Orri hefur spilað sitt síðasta tímabil fyrir ÍR í bili og þá er viðbúið að Hugrún muni missa af lokaspretti Pepsi-deildarinnar í sumar.

Matthías Orri hefur verið í hópi lykilmanna ÍR og var með 19,2 stig, 5,6 fráköst og 5,9 stoðsendingar að meðaltali í leik. ÍR hafnaði í tíunda sæti deildarinnar í vetur og komst ekki í úrslitakeppnina.

Hugrún kom við sögu í ellefu leikjum með FH síðastliðið sumar en hún greindi frá tíðundunum á Instagram-síðunni sinni í gær.

Spennandi tímar framundan með þessu gulli Skrifuðum bæði undir samning við CSU um helgina, gætum ekki verið ánægðari !!

A photo posted by H u g g y (@hugrunelvars) on Mar 22, 2015 at 3:39pm PDT