Romelu Lukaku tryggði Everton sigur á vítapunktinum | Sjáið mörkin

Everton vann 2-1 endurkomusigur á úkraínska liðinu Dynamo Kiev á Goodison Park í kvöld í fyrri leik liðanna í sextán liða úrslitum Evrópudeildarinnar.

Dynamo Kiev komst yfir eftir aðeins fjórtán mínútna leik en Everton-menn jöfnuðu undir lok fyrri hálfleiksins og tryggðu sér svo sigurinn með marki úr vítaspyrnu átta mínútum fyrir leikslok.

Dynamo Kiev skoraði mikilvægt útivallarmark í Liverpool í kvöld og það gæti reynst liðinu dýrmætt í seinni leiknum í Kænugarði.

Oleh Husyev skoraði fyrir Dynamo Kiev á 14. mínútu með skoti af nærstönginni eftir skemmtilega útfærða hornspyrnu.

Steven Naismith jafnaði metin á 39. mínútu eftir frábæran undirbúning Romelu Lukaku.

Romelu Lukaku skoraði síðan sigurmarkið sjálfur á 82. mínútu eftir að leikmaður Dynamo Kiev fékk boltann í höndina.

Oleh Husyev kemur Dynamo Kiev yfir í leiknum Naismith jafnar metin fyrir Everton Sigurmark Romelu Lukaku fyrir Everton.