Phelps festir ráð sitt

Bandaríski sundkappinn Michael Phelps hefur ákveðið að festa ráð sitt, en hann trúlofaðist kærustunni sinni, Nicole Johnson, í gær.

„Hún sagði já,“ skrifaði Phelps á Twitter-síðu sína og birti svo mynd af parinu að faðmast á Instagram. Phelps og Johnson hafa verið saman af og á í mörg ár.

Phelps hefur verið í vandræðum undanfarna mánuði, en hann var gripinn ölvaður við stýrið og fór í meðferð. Þá kom í ljós að fyrrverandi kærastan hans fæddist sem karlmaður.

Þessi átjánfaldi Ólympíumeistari er að klára sex mánaða bann sem hann fékk fyrir ölvunaraksturinn. Hann má synda aftur á bandarískum mótum sjötta mars.

She said yes @nicole.m.johnson. (Photo credit to @arschmitty )

A photo posted by Michael Phelps (@m_phelps00) on Feb 21, 2015 at 10:49pm PST