Léttvægar hríðskotabyssur Frosti Logason skrifar 23. október 2014 07:00 Ég hef miklar áhyggjur af okkur Íslendingum þessa dagana. Fólk virðist ekki hafa neinn skilning á nauðsyn valdstjórnarinnar til þess að vopnavæðast. Lögreglan hefur lengi viljað taka í notkun svokallaðar rafbyssur, en því hefur almenningur hingað til verið mótfallinn. Því hefur verið ákveðið að koma fyrir hríðskotabyssum og Glock-skammbyssum í bifreiðum lögreglumanna þangað til að niðurstaða fæst í rafbyssumálið. Og þá verður allt vitlaust! Í rauninni var það ekki einu sinni íslenska lögreglan sem ákvað þetta. Aðstoðarmaður forsætisráðherra segir nefnilega að okkar góðu frændur Norðmenn, sem ekki hafa efni á að senda okkur eitt jólatré á ári lengur, vilji endilega gefa okkur vopnin. Vígbúinn lögregluafli á Íslandi er sem sagt norsk ákvörðun. Er það ekki bæði krúttlegt og vinalegt? En hver er annars vilji fólksins í landinu þegar kemur að löggæslumálum? Er ekki öruggara að hafa hríðskotabyssur í lögreglubílum svona til vonar og vara ef einhver kynni að missa stjórn á skapi sínu? Er fólk búið að gleyma atvikinu á Laugaveginum, þar sem stórhættuleg kona lenti í átökum við lögregluna og endaði svo á því að skalla bekk rétt áður en hún réðst á hellulagða gangstéttina með andlitið á sér að vopni? Er ekki auðséð mál að því fleiri skotvopnum sem lögreglan hefur yfir að ráða, þeim mun minni verður áhugi almennings, og glæpamanna, til þess að vígbúast? Er það ekki alltaf þannig? Sjáið bara Bandaríkin. Þar er lögreglan svo vel vopnuð að ekki nokkrum manni dettur í hug að taka upp á því að skjóta mann og annan. Hingað til hafa glæpamenn á Íslandi ekki notað byssur að neinu ráði. Viljum við ekki örugglega að lögreglan verði fyrri til? Þannig að hún geti lært almennilega hvernig á að nota þessi tæki áður en til fyrsta alvöru byssubardagans kemur hér á landi. Ég meina, viljum við ekki að hænan komi á undan egginu, eða nei bíddu, var það öfugt? Viltu birta grein á Vísi? Sendu okkur póst. Senda grein Frosti Logason Mest lesið Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Áform um að eyðileggja Ísland! Jóna Imsland Skoðun Bandaríkin voru alltaf vondi kallinn Karl Héðinn Kristjánsson Skoðun Menntasjóður, skref í rétta átt? Eyrún Baldursdóttir Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Ísland er síðasta vígi Norður-Atlantshafslaxins Ingólfur Ásgeirsson Skoðun Kæfandi klámhögg sveitarstjóra Jón Trausti Reynisson Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson Skoðun Vegið að börnum í pólitískri aðför að ferðaþjónustunni Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun
Ég hef miklar áhyggjur af okkur Íslendingum þessa dagana. Fólk virðist ekki hafa neinn skilning á nauðsyn valdstjórnarinnar til þess að vopnavæðast. Lögreglan hefur lengi viljað taka í notkun svokallaðar rafbyssur, en því hefur almenningur hingað til verið mótfallinn. Því hefur verið ákveðið að koma fyrir hríðskotabyssum og Glock-skammbyssum í bifreiðum lögreglumanna þangað til að niðurstaða fæst í rafbyssumálið. Og þá verður allt vitlaust! Í rauninni var það ekki einu sinni íslenska lögreglan sem ákvað þetta. Aðstoðarmaður forsætisráðherra segir nefnilega að okkar góðu frændur Norðmenn, sem ekki hafa efni á að senda okkur eitt jólatré á ári lengur, vilji endilega gefa okkur vopnin. Vígbúinn lögregluafli á Íslandi er sem sagt norsk ákvörðun. Er það ekki bæði krúttlegt og vinalegt? En hver er annars vilji fólksins í landinu þegar kemur að löggæslumálum? Er ekki öruggara að hafa hríðskotabyssur í lögreglubílum svona til vonar og vara ef einhver kynni að missa stjórn á skapi sínu? Er fólk búið að gleyma atvikinu á Laugaveginum, þar sem stórhættuleg kona lenti í átökum við lögregluna og endaði svo á því að skalla bekk rétt áður en hún réðst á hellulagða gangstéttina með andlitið á sér að vopni? Er ekki auðséð mál að því fleiri skotvopnum sem lögreglan hefur yfir að ráða, þeim mun minni verður áhugi almennings, og glæpamanna, til þess að vígbúast? Er það ekki alltaf þannig? Sjáið bara Bandaríkin. Þar er lögreglan svo vel vopnuð að ekki nokkrum manni dettur í hug að taka upp á því að skjóta mann og annan. Hingað til hafa glæpamenn á Íslandi ekki notað byssur að neinu ráði. Viljum við ekki örugglega að lögreglan verði fyrri til? Þannig að hún geti lært almennilega hvernig á að nota þessi tæki áður en til fyrsta alvöru byssubardagans kemur hér á landi. Ég meina, viljum við ekki að hænan komi á undan egginu, eða nei bíddu, var það öfugt?
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun