Heilluð af Comma

Sjónvarpskonan Friðrika Hjördís Geirsdóttir, betur þekkt sem Rikka, var á heimavelli í glæsilegri verslun þýska tískurisans Comma í Smáralind þar sem stíllinn er kvenlegur, klassíkur, elegant og á góðu verði.



„Stíllinn í Comma er klassískur og kvenlegur og alltaf tímalaus og elegant burtséð frá nýjustu tískustraumum. Ég pæli frekar lítið í tískunni en langar að vera klassísk í klæðaburði og þess vegna höfðar margt til mín sem fæst í Comma,“ segir Rikka sem fór í búðarráp í nýrri verslun þýska tískurisans Comma í Smáralind.

„Ég hafði ekki fyrirfram gert mér í hugarlund hvernig upplifun það væri að kaupa sér föt í Comma en þar var yndislegt andrúmsloft og stimamjúkt starfsfólk sem stjanaði við mig og veitti frábæra þjónustu. Það þekkir vörurnar greinilega vel og maður fær heiðarlega ráðgjöf um fataval, snið og litasamsetningar sem klæða mann hvað best.“

Rikka segir allar konur geta fundið sér falleg klæði við hæfi í Comma.

„Ég var hrifin af því hversu ríkulegt úrval er af flottum grunnfötum sem hægt er að nota dags daglega og púsla endalaust saman við til að skapa nýtt útlit. Það finnst mér hrífandi því maður er oft og iðulega í vandræðum með að finna hversdagslegar en jafnframt flottar fatasamsetningar.“

Í Comma fæst einnig litríkt úrval af ekta dúnúlpum og dúnvestum sem kölluðu á Rikku.

„Úlpurnar voru ótrúlega vandaðar og flottar og einnig dýrindis sjöl sem gott er að henda yfir sig í haustkuldanum. Það var líka gaman að finna gæðin í fatnaði Comma því ég er kröfuhörð á efni og góðan saumaskap,“ segir Rikka sem fann sér margt fallegt til að klæðast í Comma.

„Comma á heillandi fatnað á góðu verði fyrir konur á öllum aldri því allar þurfum við föt til skiptanna. Þar er ótal margt freistandi fyrir minn aldur en einnig yngri og eldri konur. Þá er augljóst að fötin í Comma renna út eins og heitar lummur og maður þarf að vera snöggur til að ná sér í það nýjasta. Á sama tíma er sífellt bætt við nýjum og flottum vörum og því úr nógu af undurfögrum klæðnaði að velja.“