Yfirlýsing á leiðinni frá Hönnu Birnu

Hanna Birna Kristjánsdóttir innanríkisráðherra mun senda frá sér yfirlýsingu í dag þar sem hún mun tilkynna um afsögn sína sem ráðherra. Upplýsingafulltrúi innanaríkisráðherra staðfesti við Vísi klukkan 14:45 að yfirlýsingar væri að vænta frá ráðherranum.

Líkt og Vísir greindi frá fyrr í dag mun Hanna Birna segja af sér ráðherraembættinu. Hanna Birna mætti í innanríkisráðuneytið um klukkan 14:15 í dag, fór inn bakdyramegin og gaf ekki kost á viðtölum.

Sjá einnig: „Vona innilega að hún segi af sér“

Ljóst er að aðeins nánasta fólk í kringum Hönnu Birnu var meðvituð um ákvörðun hennar í dag þegar fréttir af væntanlegri afsögn láku út. Fjölmargir Sjálfstæðismenn komu af fjöllum þegar Vísir náði af þeim tali. Guðlaugur Þór Þórðarson, sitjandi þingflokksformaður, var einn þeirra og sagðist aðeins hafa heyrt um málið í fjölmiðlum.

Sjá einnig: Svona sagði Guðmundur Árni af sér