Jess Thorup: Vissi að þeir myndu spila upp á 0-0

Jess Thorup, þjálfari U21-árs landslið Dana, segir að hann hafi vitað að íslenska liðið myndi spila upp á markalaust jafntefli.

„Ég vissi að þeir myndu koma hingað og spila upp á 0-0 jafntefli. Það var ekki mikið pláss fyrir okkur," sagði Thorup við DR3 eftir leikinn.

„Þeir voru góðir í því sem þeir gerðu, að gera okkur erfitt fyrir. Mikilvægasti hluturinn var þó að Ísland skoraði ekki hér."

Síðari leikur liðanna fer fram á þriðjudaginn á Laugardalsvelli, en leikurinn hefst klukkan 16:15.