Slegist um viðtöl við Gunnar Nelson í Stokkhólmi

Þessa stundina stendur yfir fjölmiðlafundur fyrir UFC-bardagakvöldið í Stokkhólmi á laugardaginn þar sem Gunnar Nelson berst í aðalbardaga kvöldsins á móti Bandaríkjamanninum RickStory.

Henry Birgir Gunnarsson, blaðamaður Fréttablaðsins og Vísis, og BjörnSigurðsson, myndatökumaður, eru mættir til Stokkhólms og eru á fundinum.

Þar er slegist um viðtöl við Gunnar Nelson sem er aðalstjarna bardagakvöldins, en Gunnar er ósigraður í öllum fjórum UFC-bardögum sínum. Hann er í heildina ósigraður í fjórtán MMA-bardögum.

Í kvöld mæta bardagakapparnir svo aftur á sama stað og taka stutta æfingu í búri sem er á staðnum fyrir framan fréttamenn og aðdáendur sína.

Bardagi Gunnars Nelson verður í beinni útsendingu á Stöð 2 Sport á laugardagskvöldið. Fáðu þér áskrift í síma 512-5100 eða smelltu hér.