Enn eitt tapið hjá ÍA | FH í fallsæti

Þremur leikjum lauk rétt í þessu í Pepsi-deild kvenna en ekkert virðist geta komið í veg fyrir að ÍA leiki í 1. deildinni á næsta tímabili.

Liðið tók á móti Aftureldingu upp á Skaga í kvöld og gat með sigri náð að blanda sér í baráttuna um sæti í Pepsi-deildinni á næsta tímabili.

Skagakonur áttu hinsvegar litla möguleika þrátt fyrir að Afturelding hefði misst Heiðrúnu Sunnu Sigurðardóttir af velli með rautt spjald þegar tuttugu mínútur voru til leiksloka. Leiknum lauk með 3-0 sigri Aftureldingar sem gengur langt með að senda ÍA í 1. deildina.

Þá datt FH niður í fallsæti eftir 1-4 tap gegn ÍBV í Kaplakrika. Eyjakonur komust í 3-0 áður en Maria Selma Haseta minnkaði muninn fyrir FH en Natasha Anasi bætti við marki fyrir ÍBV á lokamínútum leiksins.

Úrslit kvöldsins:

ÍA 0-3 Afturelding

FH 1-4 ÍBV