Ferrari efast um að hægt verði að ná Mercedes 2015

Ferrari liðið hyggst mæta með fullkomlega endurhannaðan bíl til leiks 2015 en efast um að það dugi til að ná Mercedes. Gæði Mercedes vélarinnar séu of mikil til að hægt sé að snúa taflinu við í einu stökki.

Eftir brotthvörf fyrrum liðsstjóra Stefano Domenicali og yfirvélfræðingsins, Luca Marmoni hefur James Allison, tæknistjóri hlotið veigameira hlutverk. Marco Mattiacci, núverandi liðsstjóri bindur miklar vonir við Allison.

Bíll næsta árs verður fyrsti bíllinn sem hinn breksi Allison annar fyrir Ferrari. Hann hefur þegar sagt að hann verði allt öðruvísi en núverandi keppnisbíll.

„Það þarf að bæta hvern einasta hluta bílsins til að hann verði samkeppnishæfari á næsta ári,“ sagði Allison.

Hann sagði einnig að vélin veði uppfærð mikið. Hann hefur ekki áhyggjur af því að breytingabannið á vélunum yfir tímabilið hafi áhrif á hæfni Ferrari til að bæta sína vél. Reglurnar heimila þó aðeins 48% breytingu á vélunum.

„Okkar vandi felst ekki í reglunum, heldur tímanum sem tekur að loka þessu mikla bili,“ sagði Allison.

„Ég veit ekki hvort við getum lokað bilinu á einu ári,“ bætti Bretinn við.