Gekk á nýju hrauni

„Ég verð þeirri stund fegnastur þegar við förum héðan burtu eftir smá stund“, sagði Óskar Bjartmarz yfirlögregluþjónn í viðtali við Kristján Má Unnarsson, fréttamann Stöðvar 2, þegar fréttamönnum var fylgt upp að nýja hrauninu í Holuhrauni. „Við skulum drífa okkur bara, klára þetta og fara að koma okkur burtu.“

Kristján Már og Egill Aðalsteinsson myndatökumaður fór ásamt fleiri fréttamönnum í fylgd lögreglu að nýrunnu hrauninu. Kristján Már gekk á hrauninu, sagði það magnað að vera á staðnum en að það hafi jafnframt kallað fram óttatilfinningu.



Kristján hitti einnig doktorsnema í jarðvísindum sem stunda mælingar á svæðinu.