Lifnar yfir Ásgarði

Sogið fór afskaplega rólega af stað í sumar en áin hefur heldur aldrei verið einhver snemmsumars á og oft átt ótrúlega spretti á haustinn.

Það virðist þó vera að aukast lífið í ánni og veiðimenn sem hafa verið við ánna síðustu daga hafa orðið varir við auknar göngur.  Árni Baldursson hjá Lax-Á sem er leigutakinn á Ásgarði var við veiðar í gær og lenti í góðu skoti þegar ganga kom upp ánna.  Hann var við Símastreng og á skömmum tíma setti hann í fjóra laxa en landaði þremur, þar af einum 14 punda.  Bleikjuveiðin hefur glatt marga veiðimenn á rólegum dögum í Soginu enda hefur verið vart við meira af bleikju í sumar en oft áður og hún er yfirleitt 3-5 punda sem er mjög skemmtileg stærð að eltast við.  Við Ásgarðssvæðið hafa bleikjur verið að taka við flesta staði en mest við Símastreng og út við Hólmann þar.