Stelpurnar flugu til Austurríkis í morgun

Kvennalandsliðið í körfubolta hélt af landi brott í morgun, en það hefur leik á Evrópumóti smáþjóða sem fram fer í St. Pölten í Austurríki.

Létt var yfir stelpunum í Leifsstöð og spenna fyrir því að taka þátt EM smáþjóða í fyrsta skipti í áratug.

Ísland missti aðeins af einni keppni á árunum 1989-2004, að því fram kemur á vefsíðu KKÍ, en hefur ekki verið með síðan þá.

Stelpurnar mæta fyrst Möltu á morgun í hádeginu að íslenskum tíma og svo Gíbraltar á sama tíma á þriðjudaginn, en eftir riðlakeppnina kemur framhaldið í ljós hjá íslenska liðinu.

Ísland hefur tvívegis unnið Evrópukeppni smáþjóða; árin 1996 og 2004. Það spilaði einnig til úrslit árið 2002 en fékk á endanum silfrið.

Flestir sigrar í Evrópukeppni smáþjóða:

4 - Austurríki (1989, 1993, 2012)

2 - Ísland (1996, 2004)

2 - Malta (2008, 2010)

1 - Tyrkland (1991)

1 - Albanía (2002)

1 - Lúxemborg (2006)

Gengi íslenska kvennalandsliðsins í Evrópukeppni smáþjóða:

2004 - 1. sæti

2002 - 2. sæti

1998 - 4. sæti

1996 - 1. sæti

1993 - 4. sæti

1991 - 5. sæti

1989 - 4. sæti

Upplýsingar frá vef KKÍ.