Nítján ára Ástrali sló Nadal út á Wimbledon-mótinu

Spánverjinn Rafael Nadal sem er efstur á heimslistanum í tennis er úr leik á Wimbledon-mótinu eftir tap á móti lítt þekktum Ástrala í kvöld.

Nick Kyrgios vann Rafael Nadal 7-6 (5-7), 5-7, 7-6 (7-5) og 6-3 og tryggði sér þar með sæti í átta manna úrslitunum þar sem hann mætir Milos Raonic frá Kanada.

Nick Kyrgios er 19 ára síðan í apríl og 144 sætum neðar en Rafael Nadal á heimslistanum. Það fer því ekkert á milli mála að þetta er rosalega óvænt úrslit.

Rafael Nadal vann Wimbledon-mótið árioð 2010 og komst í úrslitaleikinn árið eftir en hefur nú ekki komist í átta manna úrslitin þrjú ár í röð.

Viðureignirnar í 8 manna úrslitum á Wimbledon-mótinu 2014:

Novak Djokovic -  Marin Cilic

Andy Murray - Grigor Dimitrov

Stan Wawrinka - Roger Federer

Milos Raonic - Nick Kyrgios