Enginn lax kominn á land úr Elliðaánum Karl Lúðvíksson skrifar 20. júní 2014 09:00 Elliðaárnar opnuðu í morgun fyrir veiði í suddaveðri og síðustu fréttir herma að ekki hafi ennþá tekist að setja í lax. Það voru margir komnir saman við veiðihúsið í morgun til að fylgjast með opnun ánna og mikil spenna í loftinu sem endranær. Dagur B. Eggertsson borgarstjóri hefur ákveðið að halda í hefð sem Jón Gnarr kom á, það er að láta borgarbúa tilnefna Reykvíking ársins, en sá fær þann heiður að opna Elliðaárnar. Að þessu sinni voru það bræðurnir hjá Kjötborg, Kristján og Gunnar Jónassynir, sem hófu veiðar og nutu þeir leiðsagnar frá Ásgeiri Heiðar leiðsögumanni. Sem fyrr var byrjað á því að renna í Sjávarfossinn en þar var ekkert líf fyrir utan lítinn urriða sem stökk á maðkinn. Þaðan var haldið niður á Breiðu til að sjá hvort einhver lax hafi ekki orðið eftir þegar það fjaraði út snemma í morgun. Þegar við síðast heyrðum frá mönnum við bakkann var ekki búið að ná laxi en töluvert mikill munur er á magni fisks í ánni núna miðað við opnun í fyrra sem var ein sú besta í manna minnum. Þetta segir ekkert til um framhaldið enda tímabilið bara rétt að byrja og vika í næsta stórstraum sem gjarnan skilar fyrstu stóru smálaxagöngunum í árnar. Stangveiði Mest lesið Litlar líkur á vatnsleysi á komandi sumri? Veiði Frábær opnun í Hítará: 11 stórlaxar af 16 Veiði Fjólmennt við Þingvallavatn í dag Veiði 107 sm hrygna sú stærsta í sumar í Laxá Veiði Vorveiði í Soginu getur gefið fína veiði Veiði Fyrstu laxarnir eru mættir í Elliðaárnar Veiði Ný bók um rjúpnaveiði Veiði Léttklæddar laxaflugur Veiði Urriðadans við Öxará á morgun Veiði Ný glær flotlína frá Airflo Veiði
Elliðaárnar opnuðu í morgun fyrir veiði í suddaveðri og síðustu fréttir herma að ekki hafi ennþá tekist að setja í lax. Það voru margir komnir saman við veiðihúsið í morgun til að fylgjast með opnun ánna og mikil spenna í loftinu sem endranær. Dagur B. Eggertsson borgarstjóri hefur ákveðið að halda í hefð sem Jón Gnarr kom á, það er að láta borgarbúa tilnefna Reykvíking ársins, en sá fær þann heiður að opna Elliðaárnar. Að þessu sinni voru það bræðurnir hjá Kjötborg, Kristján og Gunnar Jónassynir, sem hófu veiðar og nutu þeir leiðsagnar frá Ásgeiri Heiðar leiðsögumanni. Sem fyrr var byrjað á því að renna í Sjávarfossinn en þar var ekkert líf fyrir utan lítinn urriða sem stökk á maðkinn. Þaðan var haldið niður á Breiðu til að sjá hvort einhver lax hafi ekki orðið eftir þegar það fjaraði út snemma í morgun. Þegar við síðast heyrðum frá mönnum við bakkann var ekki búið að ná laxi en töluvert mikill munur er á magni fisks í ánni núna miðað við opnun í fyrra sem var ein sú besta í manna minnum. Þetta segir ekkert til um framhaldið enda tímabilið bara rétt að byrja og vika í næsta stórstraum sem gjarnan skilar fyrstu stóru smálaxagöngunum í árnar.
Stangveiði Mest lesið Litlar líkur á vatnsleysi á komandi sumri? Veiði Frábær opnun í Hítará: 11 stórlaxar af 16 Veiði Fjólmennt við Þingvallavatn í dag Veiði 107 sm hrygna sú stærsta í sumar í Laxá Veiði Vorveiði í Soginu getur gefið fína veiði Veiði Fyrstu laxarnir eru mættir í Elliðaárnar Veiði Ný bók um rjúpnaveiði Veiði Léttklæddar laxaflugur Veiði Urriðadans við Öxará á morgun Veiði Ný glær flotlína frá Airflo Veiði