Liverpool öruggt með Meistaradeildarsæti 2014-15

Liverpool náði ekki bara fimm stiga forskoti á toppi ensku úrvalsdeildarinnar með því að vinna 3-2 sigur á Norwich heldur er nú tölfræðilega öruggt að félagið verði í Meistaradeildinni á næstu leiktíð.

Liverpool hefur 80 stig eða fjórtán stigum meira en nágrannarnir í Everton sem sitja í 5. sætinu. Everton á baka fjóra leiki eftir á leiktíðinni og er því bara með tólf stig í pottinum.

Það hefur lengi legið í loftinu að Liverpool væri að fara á ný í Meistaradeildina en nú er það hundrað prósent öruggt.

Liverpool var síðast með í Meistaradeildinni tímabilið 2009-2010 en liðið komst í úrslitaleikinn (2007), undanúrslitin (2008) og átta liða úrslit (2009) Meistaradeildarinnar tímabilin þrjú þar á undan.

Þetta var því fjórða leiktíðin í röð þar sem það voru engir Meistaradeildarleikir á Anfield og það hefur lengi verið höfuðmarkmið hjá félaginu að koma Liverpool aftur inn í Meistaradeildina.