Fín veiði í opnun Elliðavatns

Elliðavatn opnaði fyrir veiðimenn í gær á fyrsta degi sumars og nokkur fjöldi veiðimanna var við bakka vatnsins að freista þess að setja í fisk.

Aflabrögðin voru þó mjög misjöfn og flestir urði lítið sem ekkert varir en þeir sem þekkja vatnið vel gerðu það flestir nokkuð gott.  Á Þingnesinu og svæðinu þar í kring var nokkuð líf og í það minnsta einn veiðimaður sem var kominn með 5 urriða og eina bleikju á land.  Við Elliðavatnsbæinn kom einn og einn fiskur upp, þar af slapp einn sem nærstæddir fullyrtu að væri að minnsta kosti 6-7 pund en sá slapp úr háfi veiðimannsins við löndun.  Geir Þorsteinsson gerði líka fína veiði á engjunum og náði 8 fallegum urriðum í gær morgun.  Samkvæmt vefnum hjá Veiðikortinu var hann ekki mjög feiminn við að deila sínu leynivopni en að sögn notaði hann mest lítinn brúnann nobbler í urriðann en litlar straumflugur eins og nobbler gefa oft fína veiði fyrst á vorinn.  Þegar líður á sumarið fara menn yfirleitt í minni og nákvæmari flugur enda verður silungurinn oft ansi vandlátur á æti þegar framboðið er nægt.