Formúla 1

Lewis Hamilton á ráspól í Malasíu

Kristinn Ásgeir Gylfason skrifar
Lewis Hamilton í tímatökunni í morgun.
Lewis Hamilton í tímatökunni í morgun. Vísir/Getty
Lewis Hamilton mun ræsa fyrstur í malasíska kappakstrinum á morgun eftir tímatöku dagsins. Hann mun deila fremstu röðinni á ráslínu með Sebastian Vettel. Nico Rosberg á Mercedes varð þriðji.

Það helli rigndi fyrir tímatökuna. Henni var frestað um 50 mínútur. Vatnið á brautinni gerði hana óökuhæfa. Í rakanum og hitanum þornaði brautin mjög hratt og flestir ökumenn fóru því af stað í fyrstu lotu á milliregndekkjum.

„Það var nánast ómögulegt að sjá á brautinni.“ Sagði Lewis Hamilton eftir tímatökuna. Vettel sagðist mjög ánægður með niðurstöðuna.

„Þriðja sætið er góður staður til að vera á. Keppnin á morgun er löng, það er aldrei að vita hvað veðrið mun gera á morgun.“ Sagði Nico Rosberg.

Það rigndi í lok fyrstu lotu, rauðum flöggum var veifað þegar 35 sekúndur voru eftir vegna Marcus Ericsson. Hann missti grip og endaði á vegriði. Þar með lauk lotunni. Í fyrstu lotunni detta 6 hægustu ökumennirnir út. Í morgun voru það: Pastor Maldonado, Adrian Sutil, Jules Bianchi, Kamui Kobayashi, Max Chilton og Marcus Ericsson.

Daniil Kvyat í bílskúrnum eftir áreksturinn við Alonso.Vísir/Getty
Það rigndi á milli fyrstu og annarar lotu. Það leiddi til þess að flestir fóru af stað á regndekkjum. Rauðum flöggum var veifað í annari lotu þegar Daniil Kvyat á Toro Rossa ók á Fernando Alonso á Ferrari. Framfjöðrun á bíl Alonso brotnaði en Ferrari tókst að laga það í tæka tíð.

Eftir aðra lotu standa tíu hröðustu ökumennirnir eftir. Báðir Williams bílarnir duttu út sem voru mikil vonbrigði fyrir liðið. Þeir sex sem duttu þar út voru: Daniil Kvyat, Esteban Gutierrez, Felipe Massa, Sergio Perez, Valtteri Bottas og Romain Grosjean.

Þriðja lotan hófst á því að Kevin Magnussen á McLaren reyndi að fara út á milliregndekkjum. Hann kom inn til að fara á regndekk eftir fyrsta hring. Liðsfélagi hans, Jenson Button fór út á notuðum milliregndekkjum en kom inn eftir fyrsta hring. Þá fór hann á ný milliregndekk.

Keppnin verður á Stöð 2 Sport klukkan 7:30 í fyrramálið.

Nico Rosberg, Lewis Hamilton og Sebastian Vettel eftir tímatökuna í morgun.Vísir/Getty
1.Lewis Hamilton - Mercedes

2.Sebastian Vettel - Red Bull

3.Nico Rosberg - Mercedes

4.Fernando Alonso - Ferrari

5.Daniel Ricciardo - Red Bull

6.Kimi Raikkonen - Ferrari

7.Nico Hulkenberg - Force India

8.Kevin Magnussen - McLaren

9.Jean-Eric Vergne - Toro Rosso

10.Jenson Button - McLaren

11.Daniil Kvyat - Toro Rosso

12.Esteban Gutierrez - Sauber

13.Felipe Massa - Williams

14.Sergio Perez - Force India

15.Valtteri Bottas - Williams

16.Romain Grosjean - Lotus

17.Pastor Maldonado - Lotus

18.Adrian Sutil - Sauber

19.Jules Binachi - Marussia

20.Kamui Kobayashi - Caterham

21.Max Chilton - Marussia

22.Marcus Ericsson - Marussia

Formúla

Tengdar fréttir

Framfarir Red Bull hughreysta Vettel

Þrátt fyrir skelfilega helgi í Ástralíu þar sem fjórfaldi heimsmeistarinn Sebastian Vettel hóf keppni í 13. sæti horfir nú til betri vegar.

Samúðarskilaboð í Malasíu

Ætlast er til að ökumenn votti samúð sína með aðstandendum þeirra 239 farþega sem taldir eru hafa farist með flugi MH370. Skilaboð í þá veru verða á hjálmi hvers ökumanns og bíl. Einnig verður einnar mínútu þögn fyrir keppnina á sunnudag.

Mercedes menn fljótastir á föstudagsæfingum

Bretinn Lewis Hamilton setti hraðasta hring á fyrri æfingunni í nótt á Mercedes bíl sínum. Hann varð fjórði á seinni æfingunni á Sepang brautinni í Malasíu. Nico Rosberg varð þriðji á Mercedes bíl sínum á fyrri æfingunni en fljótastur á seinni æfingunni. Rosberg er spenntur fyrir keppninni og vill gjarnan reyna að ná öðrum sigri sem fyrst.

Mest lesið


Fleiri fréttir

Sjá meira


×

Mest lesið