Hardy og Ingi Þór best í Dominos-deild kvenna

Á blaðamannafundi KKÍ dag var tilkynnt úrvalslið Dominos-deildar kvenna fyrir síðari hluta tímabilsins.

Það kom fáum á óvart að Lele Hardy, leikmaður Hauka, skildi vera valinn besti leikmaður síðari hluta mótsins en hún hefur reyndar farið á kostum í allan vetur.

Ingi Þór Steinþórsson, þjálfari deildarmeistara Snæfells, var valinn besti þjálfarinn og Íris Ásgeirsdóttir Hamri var valinn dugnaðarforkurinn.

Úrvalslið síðari hluta Dominos-deildar kvenna:

Hildur Sigurðardóttir, Snæfell

Lele Hardy, Haukar

Sigrún Ámundadóttir, KR

Bryndís Guðmundsdóttir, Keflavík

Hildur Björg Kjartansdóttir, Snæfell