Nú er aðeins vika í stærsta bardaga Íslandssögunnar! Gunnar Nelson berst gegn hinum rússneska Omari Akhmedov þann 8. mars í London og er bardaginn í beinni útsendingu á Stöð 2 Sport.
Vefmiðillinn MMA fréttir birtir hér myndband af undirbúningi Gunnars fyrir bardagann. Í myndbandinu ræðir Gunnar um reynsluna sem hann fékk úr síðasta bardaga og æfingarnar á síðustu vikum. Einnig koma fyrir þeir John Kavanagh (yfirþjálfari Gunnars), Jón Viðar Arnþórsson (formaður Mjölnis), Haraldur Dean Nelson (framkvæmdastjóri Mjölnis og faðir og umboðsmaður Gunnars) og írsku bardagamennirnir Cathal Pendred og James Gallagher. Þeir ræða frammistöðu Gunnars á æfingum og gefa sína spá fyrir bardagann.
Vísir og MMA fréttir hafa tekið höndum saman í umfjöllun um MMA. Pétur Marinó er ritstjóri MMA frétta og birtir fréttir úr MMA heiminum á Vísi. Ekki gleyma að setja "like" við Facebook síðu þeirra hér.
