Ungt landslið til Algarve

Freyr Alexandersson, landsliðsþjálfari í knattspyrnu, tilkynnti í dag þá 23 leikmenn sem skipa íslenska landsliðið sem fer á æfingamótið í Algarve í næsta mánuði.

Þó nokkuð um meiðsli eru í herbúðum íslenska liðsins auk þess sem að Katrín Jónsdóttir og Edda Garðarsdóttir lögðu skóna á hilluna í fyrra. Þá er Margrét Lára Viðarsdóttir barnshafandi.

Hólmfríður Magnúsdóttir og Sif Atladóttir gátu ekki gefið kost á sér í verkefnið vegna meiðsla en Freyr sagði á blaðamannafundi í höfuðstöðvum KSÍ í dag að stefnan væri að nýta mótið til að gefa ungum leikmönnum tækifæri.

Ísland er í sterkum riðli með Þýskalandi, Noregi og Kína. Þýskaland er ríkjandi Evrópumeistari eftir sigur á Norðmönnum í úrslitaleiknum á EM í Svíþjóð í sumar.

Ferðin er þar að auki nýtt til æfinga en Freyr segir að liðið nái 7-8 æfingum í Portúgal. Íslenski hópurinn heldur utan 3. mars og leikur gegn Þýskalandi tveimur dögum síðar.

Íslenski hópurinn er þannig skipaður:

Markverðir:

Þóra Björg Helgadóttir, Ldb Malmö (99 leikir)

Guðbjörg Gunnarsdóttir, Potsdam (28)

Sandra Sigurðardóttir, Stjarnan (6)

Varnarmenn:

Ólína G. Viðarsdóttir, Valur (64 leikir/2 mörk)

Glódís Perla Viggósdóttir, Stjarnan (14)

Mist Edvardsdóttir, Valur (10)

Elísa Viðarsdóttir, Kristanstads DFF (8)

Anna María Baldursdóttir, Stjarnan (3)

Anna Björk Kristjánsdóttir, Stjarnan (1)

Soffía A. Gunnarsdóttir, Jitex (0)

Miðjumenn:

Dóra María Lárusdóttir, Valur (96/15)

Sara Björk Gunnarsdóttir, Ldb Malmö (66/14)

Katrín Ómarsdóttir, Liverpool LFC (57/10)

Rakel Hönnudóttir, Breiðablik (55/3)

Hallbera Guðný Gísladóttir, Torres (46/1)

Dagný Brynjarsdóttir, Selfoss (36/4)

Þórunn Helga Jónsdóttir, Avaldsnes (9)

Katrín  Ásbjörnsdóttir, Þór (1)

Ásgerður S. Baldursdóttir, Stjarnan (0)

Sóknarmenn:

Fanndís Friðriksdóttir, Arna-Björnar (43/2)

Harpa Þorsteinsdóttir, Stjarnan (34/1)

Elín Metta Jensen, Valur (5)

Guðmunda Brynja Óladóttir, Selfossi (1)