Enn einn sigurinn hjá Bayern

Bayern München vann sinn tólfta sigur í röð í þýsku úrvalsdeildinni er liðið vann Nürnberg á útivelli í dag, 2-0.

Bayern hefur enn ekki tapað leik á tímabilinu og aðeins gert tvö jafntefli í 20 leikjum. Síðast tapaði liðið stigi gegn Leverkusen í byrjun október. Mario Mandzukic og Philipp Lahm skoruðu mörk Bayern í dag.

Dortmund var einnig í stuði en liðið vann öruggan 5-1 sigur á Werder Bremen á útivelli. Robert Lewandowski og Henrik Mkhitaryan skoruðu tvö mörk hvor og Manuel Friedrich eitt.

Bayern er með 56 stig á toppnum en Leverkusen, sem vann Gladbach 1-0 í gær, kemur næst með 43 stig. Dortmund er svo í þriðja sæti með 39 stig.

Úrslit dagsins:

Bremen - Dortmund 1-5

Nürnberg - Bayern 0-2

Frankfurt - Braunschweig 3-0

Freiburg - Hoffenheim 1-1

Wolfsburg - Mainz 3-0