Góð dorgveiði fyrir norðan

Þeir sem eru óþreyjufullir og geta ekki beðið eftir vorkomu og fyrsta veiðitúrnum þurfa ekkert að bíða eftir neinu því það er alveg hægt að veiða þrátt fyrir vetrarríki um allt land.

Félagarnir Mattías og Jónas sem reka verslanirnar Veiðivörur í Reykjavík og Akureyri hafa boðið upp á dorgferðir frá Aureyri í vötnin þar í nágrenninu og þar sem vötnin eru öll frosin og ísinn mannheldur er fullt af spennandi veiðitækifærum í þessum vötnum.  Þeir skruppu nýlega í Langavatn í Reykjahverfi með Ástralska ferðamenn og veiðin í þessari ferð var í alla staði virkilega góð.  Alls veiddust 16 fiskar og þar af 3 bleikjur.  Þeir félagar hafa verið sérstaklega hjálplegir og leiðbeina þeim sem eru að fara í dorgveiðina með staði og búnað þannig að það er óhætt að mæla með því að veiðimenn setji sig í samband við þá áður en lagt er í veiðiferðina.

Það styttist í árlega dorgveiðimótið á norðurlandi og geta þeir sem ætla að taka þátt haft samband við þá og skráð sig til þáttöku og haft samband í gegnum netfangið matti@icelandfishingguide.com.