Kettir og krúttheit Stígur Helgason skrifar 11. október 2013 07:00 Það vantar ekki krúttlegu kisufréttirnar þessa dagana. Fyrst stingur stríðinn, danskur ævintýra- og hefðarköttur af úr einkaþotu og er leitað af heilli flugbjörgunarsveit næstu daga, kemst heilu og höldnu aftur til móðursjúks eiganda síns og allir lifa hamingjusamir til æviloka. Svo verður köttur sem heitir Hnoðri(!) fyrir reykeitrun á Urðarstíg, krúttlegustu götu borgarinnar, er hnoðaður til lífs af hópi slökkviliðsmanna, fær súrefni úr kút, kemst aftur í faðm fjölskyldunnar eftir heimsókn á dýraspítalann (þar sem hann fékk væntanlega ís eins og allir sem heimsækja spítala í barnabókum) og allir lifa hamingjusamir til æviloka. Næst bankar eflaust hættulegur strokuköttur upp á hjá bónda í Árnessýslu á aðfangadag eftir margra daga flótta undan yfirdýralækni, lofar bót og betrun og þiggur jólaköku áður en hann horfist í augu við örlög sín. Hér er enn ein hugljúf kattarsaga fyrir ykkur: Fyrir margt löngu áttum við fjölskyldukött. Hann hét Snælda. Snælda var sem kettlingur neydd til að flytja nokkrum sinnum á milli heimila og eitt kvöldið datt hún út um glugga á annarri hæð Fritz-Reuter-Strasse 3 í Schöneberg í Berlín, niður um göturist og sat föst í þeirri prísund um skeið. Sumarið 1990 var henni troðið í búr og hún flutt til Íslands í farangursgeymslu flugvélar. Hér tók við henni einangrunarvist í Hrísey og skömmu eftir að henni lauk varð hún ófrísk að fjórburum, sem komu í heiminn inni í skáp og voru síðan teknir af henni – allir nema einn. Allar lögðust þessar raunir mjög á sinnið á Snældu þar til dag einn að hún fann brjálsemi sinni loksins útrás á andlitinu á mér. Ég var, einu sinni sem oftar, á hraðferð um íbúðina í Hlíðunum, keyrði aðra stórutána af krafti í þröskuld, rak upp skaðræðisvein og tók lítið tillit til vitstola læðunnar á eigri hennar um gangveginn minn. Hún tók hávaðanum í mér illa, öskurhvæsti, setti út klærnar, stökk á mig og gerði heiðarlega tilraun til að klóra úr mér augun. Það mistókst með naumindum en Snældu var ekið á dýraspítalann og henni lógað. Verði ykkur að góðu.Höfundur er kattavinur Viltu birta grein á Vísi? Sendu okkur póst. Senda grein Stígur Helgason Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun Raunir ríka fólksins og bænir þess Jónas Yngvi Ásgrímsson Skoðun Þjóð sem lætur kyrrt liggja? Magnús Árni Skjöld Magnússon Skoðun Óður til Sigga sjéní Ingvi Þór Georgsson Skoðun Talið við okkur áður en þið talið um okkur Ian McDonald Skoðun Umbætur í innkaupum hins opinbera á upplýsingatækni Lilja Björk Guðmundsdóttir Skoðun
Það vantar ekki krúttlegu kisufréttirnar þessa dagana. Fyrst stingur stríðinn, danskur ævintýra- og hefðarköttur af úr einkaþotu og er leitað af heilli flugbjörgunarsveit næstu daga, kemst heilu og höldnu aftur til móðursjúks eiganda síns og allir lifa hamingjusamir til æviloka. Svo verður köttur sem heitir Hnoðri(!) fyrir reykeitrun á Urðarstíg, krúttlegustu götu borgarinnar, er hnoðaður til lífs af hópi slökkviliðsmanna, fær súrefni úr kút, kemst aftur í faðm fjölskyldunnar eftir heimsókn á dýraspítalann (þar sem hann fékk væntanlega ís eins og allir sem heimsækja spítala í barnabókum) og allir lifa hamingjusamir til æviloka. Næst bankar eflaust hættulegur strokuköttur upp á hjá bónda í Árnessýslu á aðfangadag eftir margra daga flótta undan yfirdýralækni, lofar bót og betrun og þiggur jólaköku áður en hann horfist í augu við örlög sín. Hér er enn ein hugljúf kattarsaga fyrir ykkur: Fyrir margt löngu áttum við fjölskyldukött. Hann hét Snælda. Snælda var sem kettlingur neydd til að flytja nokkrum sinnum á milli heimila og eitt kvöldið datt hún út um glugga á annarri hæð Fritz-Reuter-Strasse 3 í Schöneberg í Berlín, niður um göturist og sat föst í þeirri prísund um skeið. Sumarið 1990 var henni troðið í búr og hún flutt til Íslands í farangursgeymslu flugvélar. Hér tók við henni einangrunarvist í Hrísey og skömmu eftir að henni lauk varð hún ófrísk að fjórburum, sem komu í heiminn inni í skáp og voru síðan teknir af henni – allir nema einn. Allar lögðust þessar raunir mjög á sinnið á Snældu þar til dag einn að hún fann brjálsemi sinni loksins útrás á andlitinu á mér. Ég var, einu sinni sem oftar, á hraðferð um íbúðina í Hlíðunum, keyrði aðra stórutána af krafti í þröskuld, rak upp skaðræðisvein og tók lítið tillit til vitstola læðunnar á eigri hennar um gangveginn minn. Hún tók hávaðanum í mér illa, öskurhvæsti, setti út klærnar, stökk á mig og gerði heiðarlega tilraun til að klóra úr mér augun. Það mistókst með naumindum en Snældu var ekið á dýraspítalann og henni lógað. Verði ykkur að góðu.Höfundur er kattavinur
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun