Skilorð fyrir að mynda stelpu að pissa

Héraðsdómur Reykjavíkur dæmdi í gær tæplega fimmtugan ítalskan ferðamann í hálfs árs skilorðsbundið fangelsi fyrir að særa blygðunarsemi tólf ára stúlku á almenningssalerni í Laugardalslauginni í ágúst með því að taka myndskeið af henni á símann sinn þegar hún pissaði.

Maðurinn var einnig sakfelldur fyrir að hafa fleiri sambærilegar myndir af öðrum stúlkum á símanum sínum en sýknaður af því að hafa dreift þeim.

Maðurinn hafði þegar greitt stúlkunni bætur. Hann hefur sætt farbanni en fékk vegabréf sitt afhent í gær og mun fljótlega fara af landi brott.