Tók aukaleik við Zlatan eftir sigurinn á Federer

Zlatan Ibrahimovic, einn allra besti fótboltamaður í heimi og Novak Djokovic, einn allra besti tennisleikari heims, eru góðir vinir og bera mikla virðingu fyrir hvorum öðrum.

Það fór svo að þegar Zlatan Ibrahimovic mætti á leik Djokovic og Roger Federer í París á dögunum þá bauð Serbinn honum niður á völl eftir að hann hafði unnið flottan sigur á Federer.

Zlatan, var mættur á leikinn ásamt fjölskyldu sinni; Helenu, Maximilian og Vincent.

Það fór vel á með þeim félögum og þeir spiluðu líka smá tennis við mikla hrifningu áhorfenda þótt að Zlatan hafi frekar vilja notað fæturna en spaðann sinn.

"Zlatan er mitt stóra átrúnaðargóð," sagði Novak Djokovic við blaðamenn eftir leikinn en þeir kynntust fyrst þegar Djokovic fékk að mæta á æfingu hjá AC Milan árið 2011.

Það er hægt að sjá stutt myndband af tennisleik þeirra Zlatan Ibrahimovic og Novak Djokovic hér fyrir neðan.