Ennþá mikið af gæs í Landeyjum

Þrátt fyrir að rjúpnaveiðitíminn sé nú í hámarki eru ennþá margar skyttur að skjóta gæs á suðurlandi enda er mikið af gæs ennþá á mörgum ökrum og túnum.

Gæsin er að mestu horfin út öðrum landshlutum en þó má sjá litla hópa á stangli, þá sérstaklega í Skagafirði.  Þetta er fín viðbót við frekar slaka rjúpnavertíð og margir veiðimenn sem hafa ekki náð í jólarjúpuna eru þegar farnir að hafa samband við landeigendur til að komast í gæs ef þeir hafa þá ekki þegar skotið gæs á þessu hausti.  Þetta er oft besti tíminn til að skjóta hana því fuglinn er búinn að vera í góðu æti í allt haust og gæsin er því feit og vel haldin.

Nokkuð stór gæsastofn virðist halda til á suður- og suðausturlandi allt árið og á mildum vetrum virðist hópurinn vera sérstaklega stór.  Ef veturinn verður harður má reikna með að hópurinn fari að mestu suður á bóginn til sumardvalar en það eru þó alltaf nokkrar sem halda þetta út sama hvernig viðrar.